القلب روض وحب خلي مطيه.....أهداء

[هــــــــــادي]

السلام عليكم يامحلفنا

بدون أي مقدمات .....تفضلوا

مصافحتي ألأولى


أتمنى أن تنال أعجابكم

القلب روض وحب خلي مطيه=صالت وجالت وأمرحت وأرتعت به

هاضت مشاعر شاعر زاد غيه=بحكين جنوبي حظها وصطعت به

فيها الدلع والزين روحه وجيه=أسلاح سلمي حقها لاربعت به

العين والمبسم كما نار حيه=وتزيدها بترول لافرعت به

سبحانه اللي خصها بالعطيه=ربٍ وهبها زين حور أشبعت به

ربٍ عطاها الزين والجاذبيه=أيضا وهبها زين خلق أبدعت به

العقل ميزة جادلٍ غشمريه=فوق الجوارح طلعها لاطلعت به

تمطر علي بالشوق صبح وعشيه=ويغرقني الودان لاسارعت به

أحبها وتموت بي ألاجوديه=اللي تصون الحب ماخادعت به

لابطيت عنها جات مثل العبيه=ألقلب لي وحدي ولاجمعت به

والا تواجهنا غديت الضحيه=بمزوحها كني حلاٌ درعت به

تضحك وتضحكني بأمورٍ خفيه=أنشهد أن أرضاي أمر أبرعت به

هي نور عيني نبض قلبي وضيه=من طيبها نبت الزعل ولعت به

القلب أنا خابره لارحم حيه=حبيب خلقه والغلا ربعت به

الروح مرخصها هديه رضيه=للي جلت بالقلب ثم أطبعت به

البعد نار يحرق القلب كيه=أن قاله الله أموت ماشرعت به

القلب قصرن و أطمرته أبدويه=خبة وطبة وأبركة وأرثعت به

وسلامتكم

أحــــترامي

هادي بن شافي