تكفا تـرى تكفـا تهـز الرياجيـل

[عزوف]

طبعا هالبيت انتشر بالمسجات وبشكل مو طبيعي وبما اني عرفت منو قايل هالقصيده وحصلتها كامله قلت انقلها لكم اتمنى انها تنال اعجـــــابكم


هـــــــذه قصيده للشاعر عماش بن عبيد البديري المطيري

وقد قالها عندما مرت به ضائقه ماليه اثرت عليه كثيراً
فقالها مسندها لمزيد بن سعد بن جبر المطيري

تكفا تـرى تكفـا تهـز الرياجيـل
ولولا ضروف الوقت ماقلـت تكفـا
تكفا يامزيد ما يبا العلـم تفصيـل
المشكله كبرت على عمـاش تكفـا
ماقلت تكفا غير من فتـرة الحيـل
ونته ولد من يفعـل الطيـب تكفـا
انخاك من كثر العنـاء والبهاذيـل
الفقر حطمني وانـا ازريـت تكفـا
غديت مثل اللي برك ضامه الشيـل
تضحكبي اضعوف الرياجيـل تكفـا
يومٍ لـك وقفـه وجـاه ومداخيـل
مانغتني عن مثـل شـرواك تكفـا
افزع ترى وقتي غدى كنـه الليـل
والعلـم مايخفـاك يالقـرم تكفـا
ماعاد بي شده ولا عاد بـي حيـل
ضدتنـي الايـام والـقـل تكـفـا
اروح وارجع ماحصلـي محاصيـل
والرجل بادت يافتى الجـود تكفـا
واليوم عنـدك يارفيـق المشاكيـل
العذر ماينفـع وانـا قـول تكفـا
حيثك من اهل الطيب واهل المفاعيل
يازبن من جاله ومـن قـال تكفـا
الجيـب فاضـي واليالـي مقابيـل
عجزت اعيش مع الرياجيـل تكفـا
والراتب المحدود ايـروح تحويـل
مـن الاداره لاهـل الديـن تكغـا
حتى عيالي ماقدرت الهـم الكيـل
والازمـه لا جـات صديـت تكفـا
ارجى الفرج والله يجيب التساهيـل
واعيش في راحه مع الناس تكفـا
والله كريـم يبـدل الحـال تبديـل
وماقل دل وصامـل الهـرج تكفـا