طبع العذارى

[علي العايد الهاجري]

تخطي وأسامحك ما كن الخطا منك = وأرتاح أجاملك في نفسك وأداريها
توك على أول شبابك والغلا فنك = وطبع العذارى يجملها تغليها
يا سيدي لي حلوم الليل جابنك = ومن بردك الكف بكفوفك أدفيها
وألعب بسود على الأمتان يكسنك = وأموّت الروح بعناقك وتحييها
يفدنك سنين كل العمر يفدنك = في غيبتك عفت أنا الدنيا وما فيها
ويوم إن الأقدار ودنك وردنك = شف ذيك الأيام وش سوت لياليها
يا سيدي والقصايد كلها عنك = وعذب التعابير أرددها وأغنيها
لأنك ملكت الهوى في خافقي لأنك = يفداك دمع العيون اللي مشقيها
حتى خطاياك عندي ما يخطنك = تصدق إني أعللها وأجاريها
وأقول مقبول كل اللي يجي منك = من شان أجاملك في نفسك وأداريها
علي العايد الهاجري