محاورة شرسة ونادره

[مشعل العرجاني]

خواني سلام عليكم وبعد اريد ان ضع محاوره جميله بين الهرم الكبير رشيد الزلامي والشاعر الكبير ضيدان بن قضعان وعسى ان تعجبكم

رشيد الزلامي
الي نظره على ضيدان بن منصور بن قضعان =وانا ما اصدق الاخبار لين أعرف مصادرها
أنا شفته يشب النار بين البيب والعمدان =نشدته وش تدور قال لي حاجه وادورها

ضيدان
الك نظره ولي نظره وهاذي ساحة الميدان =اذا ربك كسرها يالزلامي لاتجبرها
أنا في خاطري كلمه ومشروهي على الشيبان =وانا ماني بقايلها جهاري وانت خابرها

الزلامي
يقولون الرجال المرجله سيف(ن)وظهر حصان =على كيفك يابن منصور صغرها وكبرها
مصرح لك تحث الركب من جده اليا الظهران=لكن ابعد عن الاموات لاتسبر مقابرها

ضيدان
كفانا في الحرايب يالزلامي شيخنا راكان =وانا في نعمة ياجعل ربي مايغيرها
تقوله يالزلامي وانت لاخزنه ولا دكان=مغير تقدم الساعه على كيفك وتاخرها

الزلامي
أنا ماودي أصمل فيك حيث انك من العجمان =وباق الناس والله ماعلينا لو نقاشرها
لا تزعل جونا هادي لاشعله ولا دخان=وحنا كاشفين الارض باطنها وظاهرها

ضيدان
تنفد يالزلامي ماورى عجمان غير عمان= اذا ودك تيامنها واذا ودك تياسرها
عسى ربي يحفظك ياذخر خالد ذرى وكنان=كثير الناس تخضع عقب ماترفع مناخرها