اعشق الشمس؟؟؟؟ياخبل الخفوق!!!!!!!!!!

[مانع ال سعد اليامي]

الاهاء لوالدي الله يطول في عمره
في ليلة زواجي

يابو ناصر اعشق الشمس !ياخبل الخفوق!!=واحمد الله صارت اليوم تشرق من يدي
اختفت قيثارة الغيم في وقت الشروق=وفي غروب الشمس لاناي..لاصوت شدي
ايش برجي بين الابراج ماتلقى فروق=لاهو العقرب..ولا القوس..ماهو بالجدي
برجي العذرى به سهيل يلمع في الغسوق=ومن عرفت الحظ عاثر ولي جرح ندي
ودعوة امي اشهد انها على حظي تفوق=ماتعثر بي جوادي واحظي ردي
كلما صلت دعت لي لها قلب شفوق= دايم تدعي لي(يالله تيسر لولدي)
وينها اغلا هديه لعين امي تروق=فرحت الليله صداها بليلة مولدي
وهذي امي عنقها مايقلد باي طوق=(بالهديه)قلد امي فديتك سيدي
خلها تفرح,ولدها عسف ذيك السبوق=مهرة في خوف هجت بليل اسودي
وقفت لاحبل ..لاقيد.. لا لجام يعوق=واقبلت تمشي الهوينا ولا اضناها العدي
ازورت ثم اصهلت واشعلت ليلي بروق=وقهرت سود اليالي على الدرب تعدي
شفتها في عز نومي وانا حلمي صدوق=مهرة بيضا.. اصيله ..رسنها في يدي