في كفها خاتم(محمد ابن فطيس المري)

[جطلي بن فهد]

في كفهـا خاتـم وفـي خدهـا خـال
وفي عينها غيـم وعمـارات وبيـوت
الخال شفته واضـحٍ مـن ورى الشـال
والخاتـم المـاس مرصـع بيـاقـوت
والعمر في العشرين كنـي مانيـب زال
والجسم كنه مـن جبـل ثلـج منحـوت
جبل ولكـن لا طرقـه الهـوى مـال
وخطواتها ماهـي بالأمتـار بالفـوت
ماهي تشوف الشمس من ظل لاظـلال
ومصيافها مـا بيـن لنـدن وبيـروت
الشمس لو تشرق علـى جسمهـا سـال
كنهـا مجسـم محلبـيـه وبسـكـوت
ومن صغر مبسمها شقى حالهـا الحـال
ما تاكل الا اللـوز والخـوخ والتـوت
ماهي تشوف النـاس تمشـي وتختـال
ومرٍ على جاكور ومـرٍ علـى حـوت
وخدامتيـن وهـي بـلا زوج وعيـال
وسمعتهـا تدعـي الدريـول يياقـوت
وثـلاث جـوالات مـاهـو جــوال
ومن يوم خلقـت كـل شـيٍ بريمـوت
لكـن قلبـي مالـهـا فـيـه مثـقـال
وش قرب البشت الحساوي من الكـوت
ياجعلهـا للـي خـذت قلبـي نـعـال
اللي غلاها عنـدي الشـرب والقـوت
حوريـةٍ مـن فوقهـا الليـل شــلال
كنهـا صبـحٍ فوقهـا الليـل مكتـوت
قلبي لها مـن كثـرة الشـوق مشخـال
وللسـر عـن كـل المخاليـق تابـوت
تنحت لي من الحب في القلـب تمثـال
وحبي لها ينحت على الساحـه بيـوت
فـي عينهـا ماكـل رجـال رجــال
وأقصى حدود الوصل في سلمها الصوت
زودٍ على القلب وعلى الحسـن مـن آل
روسٍ لهم روسٍ على متونها بشـووت
الى رضت موتوا يا أهل روس الأموال
وإلى زعلت جربت وش سكرة المـوت
من دونهـا رجلـي وراكـب وخيـال
والسيف والأمـواج والبحـر والحـوت





وهذا جديدي وان شاء الله يعجبكم

للشاعر محمد بن حمد بن فطيس المري