ما هوب محسن الهزاني :) بلا ولده .. تونسوا

[dont play with me]

السلام عليكم


يسعد اوقاتكم بكل خير



عينت ذا الروايه وقلت تشاركوني فيها


واربها جديده



يقولون ( ولد الوز عوام ) او ( من خالف اباه ما ضلم )


ولد محسن الهزاني والسالفه






تقول السالفه ان شاعر الغزل الشهير محسن الهزاني كان يحرص على ولده الصغير البالغ من العمر ست سنين انه ما يقرب من الشعر او يجي حوله خوفا عليه


الشيبه خبره ودارين بالعلوم كلها



وكان يكثر من جلوس ابنه فالبيت

بس يوم جات ذيك الليله وتجي ذيك البنت ..... البنت ... اللي تهول ... مزيونه من بنات جيرانهم

ويوم شافها قال لامه يمه ذي منهي


قالت امه عشان تبي تبعد منه فتنتها وتخلعه قالت ذي : راس الذيب <<< نفس العوافي حقت العجايز


قال الصبي يضحك :

الذيب مالــــــــــه قذلة ٍ هلهليــــــــــــــه =ولا له ثمـــــــــــــــــان ٍ مفلجــــــــــات ٍ معاذيب
والذيب ماتمشطه با العنبريــــــــــه=لا واهني من مرقده في حشــــــــــــــا الذيــــــــــــــب

وانهبلت امه خص انه ما قد خالط البنات او غيرهم وعاده صغير وماوصل مرحلة البلوغ ولا نضج عشان يقول الشعر <<<< ان ذا البلا

وعلمت الشيبت العسر وخاف عليه من شي ٍ خابره وقال بوديه صوب مطوع اربه يتعلم عنده ومنه حفظ القرأن و مبادئ الدين الحنيف والقرأه والكتابه


ووداه صوب المطوع


وجا يراجع المطوع مع الصبي حروووووووف الهجاء وتفاجأ من اجاباته !!!



قاله قل (( ألف )) قال الصبي :

الف وليــــــــــــف ٍ من قبل امس شفنــــــــــــــــــــــاه=غرو يسلي عن جميــــــــــــــــــــع المعانـــــــــــــي

فقاله قل (( باء )) قال الصبي :

الباء بقلبي شيــــــــــــد القصر مبنـــــــــــــــــاه=وادعى مباني غيرهــــــــــــــم مرهمانـــــــــــــــــــــــي

ضاق المطوع وقال قل (( طا )) يا ورع ، قال :

الطاء طوى قلبـــــــــــــــي من البعد فرقـــــاه=ويا جعل يطوي قلبــــــــــــــــــــــك اللي طوانـــــــــــــــــــي

اندبلت كبده المطوع من اول يوم ويوم جا ياخذه ابيه قال المطوع اسمع ولدك ذا مافيه طب ولا له دوا من عاده صغير وهو يتغزل ويقول الشعر ولدك مفتون ادع الله يهديه وبس


خذاه ابيه وحافظ عليه محافطه جيده عشان ما يجره الغزل والشعر لشي ٍ مشين الين كبر وزوجه من وحدتن عشقها




dont play with me