عطر القصيد

[منصور بن جعشه]

لــبيه يــا الشـــرق لامن هـــب نسنـاسه&&يفــيض قلــبي ليــا هبــت هبــايبها

وان زان جــو القصيد ودق هوجــاســه&&كــن القـــوافي تلاعبني والاعبـــها

فالجـــادل اللي تتل القـــلب من ساسه&&والشعر والعشق ما تحمد عواقبها

وان فاح عطر القصيد تســابق انفــاسه&&تـــارد علــى دم شرياني ركايبــها

طفقــه وحــلوة ودــــلوعــه وحساســه&&حتــى سواد الدجى لا حل يغضبــها

وان فله الراس ذقت المر من كـــاسه&&كن الليـالي تشكــا ويــش جـــايبها

والــحرف في وصفـها عشرين كراسه&&كن القلــم بس يمــحاها ويكــتبها

امــيرة القلــب والمـعــلوق حــراسه&&واليااعتزيــت بغلاها قمــت اخربـها

الـــجيد مابيـــن لؤلؤة والمــاسه&&والــــعنق يابعــد بعـــدة مـــن منـــاكبها

والعين عين اخلويٍٍٍٍٍ رافعن راسه&&والشامـــه اللي تعشت من حــواجبها

فيها الحلا والغنج والعود مياسه&&والقـــوم من دونــــها تفتل شواربـــها

احبها من خفوقن صادق احساسه&&خل الضواري تعشى من مــــخالبها

وبنك الغلا عندها مايعلن افلاسه&&سوات مهرة و(ابن حثلين)راكبها

لا قامت الحرب حطت بأسها بأسه&&لانــه علـــى كفه اليمنى مدربهـــا

واوضاع قلبي على ماقيل منحاسه&&وان مت الله واعلـــم من سبايبها