مسا الخير
صبلي فنجال من صفر الدلالي = وركد الدله على جال الوقيده
بتغنا وانطرب واسج بالي = لو ضلوعي مابقا منها شريده
حن قلبي حن موميت الحبالي = روحوا بحوارها لسوق سيده
في غرام المترف اللي مايبالي = حد علميبه وانا إيدي بأيده؟
صد عني يوم حظي مانوالي = ناحت الورقا على اطراف الجريده
ماعرفت اسبابها يا هملالي = مثل لغزٍ دافنه راع القصيده
من يكب الود من اول وتالي = جعله السلال يضرب في وريده
الغلا يا صاحب القلب المثالي = من ولي العرش ينزل في عبيده
والله اني فيك يازين الدلالي = لين يظهر كل مطرود وطريده؟
مانفعك البعد يابو قلب خالي = لا تشب النار ثم تصلا الحديده
حب عليا عند ابو زيد الهلالي = مثل حب الهاجري ياذا البليده
وسلامتكم
09-07-2007, 02:09 AM
العرض الشجري