جيت لـ(ابها) وقالـوا عـودت للريـاض=
والله أنـي ماجيـت الا عـلـى شانـهـا =
علموني ودمعي فـوق الاوجـان فـاض=
واغـرق (أبهـا ) وسودتهـا وسكانـهـا =
دمعتي غيث سحبٍ وسطها البـرق نـاض=
استهلـت بعـد مــا مــاع ربانـهـا =
وانخفض ضغط قلبي من عناي انخفـاض=
وذابـت الـروح حيـن اختـل شريانهـا =
وقلت يمكـن مقـدّر ماعليـه اعتـراض=
يالله إنــك تـقـو النـفـس بيمـانـهـا =
وتلطـف بـروح وردت للمنايـا حيـاض=
والسبـب جــادلٍ مـاخـف ميزانـهـا =
ويش اوصف وصايفهـا طـوالٍ عـراض=
الله اللـي مـن عيـون البشـر صانـهـا =
خدهـا فيـه حمـرة ورد شاعـه بيـاض=
شعشعـت بالحيـاه وزانــت الوانـهـا =
عين حرٍعلـى الخرشـا طلـع بانتهـاض=
شافهـا عقـب مانـاضـت بجنحانـهـا =
نـادرٍ كـل ماشـاف العنيـد استهـاض=
يلحـق اطيـارهـا لـوطـال ميدانـهـا =
وعودها خيزرانن غض لدنـن غضـاض=
وفـارع الطـول فعـلاهـا وفغصانـهـا =
عنقها عنق ريميٍ مـن الصـوت جـاض=
استـذارت وجـات الرّمـيـه اوزانـهـا =
وكن في صدرها الطير ازرق الريش باض=
بيـضـةٍ مالمسـهـا غـيـر فستانـهـا =
وغيـر هـذا عفيفـه مامشـت بنخفـاض=
راجــحٍ عقلـهـا تفـخـر بجـدانـهـا =
بنت قومٍ لهـم تاريـخ حاضـر ومـاض=
تكسـب الخيـل هـاك الوقـت برسانهـا =
حبهـا زارعٍ لـه بالضمايـر افـيـاض=
أزهـرت عشـق والبسـتـان بستانـهـا =
الله اللـي فرضهـا فالضميـر افتـراض=
صـرت فـي حكمهـا واتبـع لسطانهـا =
ليت ابوها علـى شانـي تريـض وراض=
انتظـرنـي وقــدّر دمـعـة اعيانـهـا =
بعدها مالنا ب(أبهـا )العزيـزة مـراض=
تقعـد (أبهـا) مثلـي ماهـي لسكانـهـا =
شـعــر / نـــواف بــــن رازن
العرض الشجري