هذي القصيده لشاعر : ناصر بن حمد بن لقرع ال زايد
وهي قصيدة اشتهرت واخذت مركزهل بين القصايد وهي عبارة عن حياة البر والمرباااع ووصف الابل وكل مايتمناه السنافي شرواكم
صلو على النبي واستلمو :
ابأخذ الاجازه والهـدف سجـة المربـاع=
عسى الله يساعـد ياحمـد نـاوي النيـه =
معي في اكس ار الفين ومسنـع" لسنـاع=
وعندي عزيمـة قلـب واريـا وحريـه =
فحصنا على الموتر ومايطلبه فـي سـاع=
وشيكـت بنزينـه وجـهـزت مبغـيـه =
ابي لستوى كنه خريش" حـداه اصـداع=
تويقـاد شيهـان" فخـت كـف راعـيـه =
الى انحا مع خاطي نظيم" كمـا المطـلاع=
خطيـرا" عليـه ايطيـر لـولا كراسيـه =
عليه الدريول ساق صاحي عقـل وذراع=
غرامـه طـريـق" ماتـوقـف توالـيـه =
أخذنا بعض الاغراض من شيشة الهـزاع=
وباقـي المقاضـي تونـا فـي النعيريـه =
وفرقنا على خط" يجي من شمال انطـاع=
وشفنـا مبـادي طـارف الديـره الحيـه =
نسفنا ادومات يسار ويمين حـزم اسبـاع=
وشفنـا مـلازم باطـن الريـش ممليـه =
وظهرنا على مجيلس ضحى والدبش رتاع=
شمال ام جرف وشرق عـن يمـة علّيـه =
وظهرنايسار حمار قريـه مـع المهيـاع=
هبوج وحتف وفيـاض وبحـار حزميـه =
وظهرنا على اجباه اللهابـه وذاك القـاع=
وجـو عشريـا" والمـعـارج شمالـيـه =
نسفنا الصداوي والهـدف بدونـا النجـاع=
بجوف الشعيـب اللـي تطـارد خباريـه =
وشفنا نبات القـاع يومـي بـه الذعـذاع=
خزامـا وصفـار ورقاريـق وسمـيـه =
وشفنا الزبيدي بين سود الحصى صـلاع=
وريح الخزامـا ينعـش الـروح ياحيـه =
وشفنا مجاهيـم" تـدق الرضـم وشبـاع=
تـجـول بجوا"راغبـاتـه رواعـيــه =
عراض المثاني جملة" والنحـور اوسـاع=
وفجـح" شمايلهـا عـن الـوزر قفريـه =
تحلوز سنام اظهورها اللي يجي له بـاع=
طـوال غواربـهـا سـنـاد" اهلالـيـه =
ليا قاسها المربوع شبـرا" ورى لكـواع=
طـوال الـرقـاب مقـلـدات بمقطـيـه =
يجي خدها شبرين كان الهدف ما ضـاع=
مربـع هـوام بيـن شـلـف اليمانـيـه =
ليا رايعت لك وانت فـي جنبهـا ترتـاع=
كمـا القايـد اللـي مزعلينـه افـداويـه =
الى ماقبلت كنها هنـوف" بـدون اقنـاع=
طويلة قوام وشافـت اللـي تبـي جيّـه =
بها من بنات الريح زوم وفخـر واطبـاع=
تشانـق بسـيـر" كايـداتـه مواطـيـه =
والى حورفو في شدة" والحـلال انـزاع=
لهـي لولـه ماهيـب ترعـى بتالـيـه =
زعوج" تلم القاع عوبـا" علـى القـراع=
وراها الدبـش بطـح" تحفـت سماريـه =
وأن حطو مزاين في المزاين خبرها شاع=
مابين الدبـش هضبـة نظيـم" لهـا فيّـه =
الى شافها العراف تمشـي كمـا الفـراع=
يتيـه النظـر فيهـا وتكثـر طـواريـه =
يعود وذوده في عيونـه تقـول اضبـاع=
عليها قصـر حتـى العلـف والمحنيـه =
وبدينـا علـى رجمـا" يعديبـه الملتـاع=
وشفنا البيوت السود في الـروض مبنيـه =
بيوت الشرف مابين خمس وست اربـاع=
بهـا للنشامـا كيـف مـن كيـف بريـه =
بها للنشامـا منسـف" وان لفـوه اجيـاع=
علـى كـل حـزه ماتوقـف مساعـيـه =
وفيـه الـدلال مساطـرات لهـن لمـاع=
ثلاثـة افصـول" ثالثتـهـن اعويـديـه =
على مجذويا" فوقه السمـر حـط اتبـاع=
وشغـلا" نظيـف" حايفيـنـه شقـرديـه =
ومر بالعشا الشايب وجات الصحون انواع=
فقـارة قـعـود وحايلـيـن اكرامـيـه =
ودارو بعدها الكيـف واستتبعـه نعنـاع=
وزادو وقـود النـار بالسـمـر مثنـيـه =
وكمبـودي ماكاسـرو عـنـده البـيـاع=
يزورون سوقـه لـو تصعّـب مشاريـه =
وقامو على الخلفات كـل العيـال فـزاع=
وكـل" علـى وجهـه ملالـه حواضيـه =
عسى الله يعيد الغيث ويحسن الاوضـاع=
على كـل عـام ينـزل الوسـم دوريـه =
نشتت به الهوجـاس ونشتـت الاوجـاع=
مادام الرجيـل تسيـر والعيـن صحيـه =
حياة"بدون البر مـا اظـن فيهـا اطمـاع=
علـي الحـرام انهـا الحيـاة الشقاويـه =
حنين الرعد والبرق والغيـث بالاجمـاع=
يعوضـك بالاسهـم والحيـاة الثقافـيـة =
تقفـو عـن الدنيـا زحـول بهـا بتـاع=
وعاشـو بـلا فلـه ومنصـب مديريـه =
ولا فيهـم التاجـر ولا فيهـم الــزراع=
ثمـن رزقهـم سلـة عرينـي وجنبـيـة =
وتمت وصلى الله على المصطفى الشفاع=
شفيع امتـه يـوم الحشـر والمخطريـة =
بيـوم يعـود خيـر للسجـد الـركـاع=
وشر"علـى العاصيـن كسابـة السـيـة =
العرض الشجري