الذكريا الجميلـة . . !!!!

[محمد بن سعود]

تـواصــل

/

لـ المبـدع / سعـد بن مناحـي

اي والله انـي احبـك . يـا بعـد راسـي=ملّيت وانـا اتحامـل . وانكـر احساسـي
شفني ليا غبت عنّـي كيـف اهـذري بـك=وأشعر بغربه وانا بيـن أهلـي . وناسـي
ولاحظ ليا جيتنـي ويـش يحصـل فينـي=وشلون لا اوحيت صوتك . يجلي عماسي .!
مـرّات احسّـك تـزم وتجمـع ضلوعـي=ومـرّات أحسّـك تبعثـر فآخـر أنفاسـي
يستاهـل الحِـب . قلـب ٍ منثنـي دونـك=لو هَب ريح القطاعـه والجفـا .، راسـي
لا تستحي قول وش فـي خاطـرك . لكـن=بآعلمـك حاجتيـن . تـدور فـي راسـي
ترى الفـرص فالعمـر قِلّـة ومحسوبـه=شفني عشان اغتمنها .؟ ما ضعَف باسـي
وإن هّزتـك ذكريـاتـك لأول أحـلامـك=الذكريـات الجميلـه .! طبعَهـا قـاسـي
وإن كـان مانتـب تبينـي. لا تعلّمـنـي=إسكت .! وانا بآتحامـل وأنكـر إحساسـي