اسمح لي يابن الذيب ...هذا ابو متعب

[الشلاقي عز]

بسم الله الرحمن الرحيم
قصيــدة في خادم البيتين عبدالله بن عبدالعزيز ال سعود (حفظه الله)
و هـي مــجارات لقصيدة الشاعر القطري محمد بن الذيب العجمي
في الشيخ محمد بن راشد ال مكتوم

قال الشلاقـي مـن نظايـم بالـه الغـر الجـزال=بعـد التوكـل بالله الخـلاق هـو نعـم الوكـيـل
شاعر وانا شعري جديـد ولا ذكـر فيـه السمـال=شاعر وانا خطـي وحيـد ولا مشـى فيـه الدليـل
شاعر و متعـود علـى بـدع الجزيلـه والجـزال=شاعر معاني والركاكـه ماأجمعـه هـي والهزيـل
و انا ليا هاض الشعر اطلـع علـى روس الجبـال=واصيح بأعلى الصوت ويجاوب صدى الجال الطويل
وانا ليا ناظـرت ذيـك الشمـخ النيـف الطـوال=يطـري علـى بالـي وحيـد نـادر مثلـه قليـل
أيدلـه الخاطـر مشافـه ..زود لا مـال العـقـال=اللى علـى العـدوان راسـه قاسـي حـده ثقيـل
لا هـد ماهـو ينثنـي صنديـد ومجـرب فـعـال=ولا من لطم عايل على خشمه غـدى مقفـي ذليـل
شيال شـي ماقـوت لـه كـود يابعـض الجمـال=لأنه سليل مـن سلالـة تنتـج الصـاف الاصيـل
ياكم جمع ياكـم جمـع والله مـن كثـر الخصـال=طيب وشهامه مع كرم عايـل لمـن لا لـه معيـل
اسمي سوات اسمه وانا داري فلا لـه مـن مثـال=نـادر فريـد مختلـف حـر و أوصافـه تهـيـل
معرب الجديـن شيـخ مـن عمـام ومـن خـوال=اصل العروبه فـي مصبـه تجـري بدمـه تسيـل
هذاك ابو متعب نعـم وصفـه تـرا فـوق الخيـال=صقر العروبه راعي العوجا و هـو زبـن الدخيـل
من نسل ابو تركي زبـون المرجلـه قـرم العيـال=اللى حمى الدين الحنيف بسيـف ومسنـن صقيـل
ابن الذي وحـد جنـوب المملكـة هـو والشمـال=اللـى لعكفـان الشـوارب غـش ونحـاز وقبيـل
خلى سبـاع المرجلـة تحتـه كمـا روس الطفـال=فرز الوغى لا ثارت الهيجا غـدى خصمـه عليـل
مرحوم ياعود دفـن بالعـود جعلـه فـي الظـلال=فـي يـوم مابـه ظـل الا ظـل خـلاق جلـيـل
يالله جعلـه فـي نعيـم بجنتـك مـاهـو يــزال=اللـى تـرك نجـد العذيـه مالـه بكونـه مثـيـل
يابو متعـب قـل حكيـي وانـت فعلـك لا يـزال=وعنـدي لفعلـك شهـود وعنـدي لفعلـك دلـيـل
أول أيامـك قضيتـه بالعفـو عـن كـل ضــال=و اطلقـت يمنـاك منهـو حـده الديـن لبخـيـل
كـم مقيـد فكتـه يدك مـن أصفـاد وغــلال=لـولا يمانـي سيـدي كانـه الـي الحينـه نزيـل
يابو متعب صارحـك شعـري وقـال اللـى يقـال=و انا ادري ان الشعر مايوفيـك حقـك لـو نطيـل
بس شعري حالـف انـه يقتـرن بـك مـن ليـال=في قصيـدة يخـرج المكنـون لـك قلـب عليـل
قلت انـا كـل القصيـده و أدري ان القـول طـال=و لـو يطولـن القوافـي فـي ابـو متعـب قليـل
قلتـه ماأبغـي وراهـا شـي مـن دنيـا ومــال=بس مدحه راس مـال وهـو بعـد كـل الحصيـل
وختامها صلوا علـى محمـد عـدد حـب الرمـال=خير البريه والرسل هـو صاحـب القلـب النبيـل