السكن : عمارات عثمان
الموقع : مصر - القاهره - المعادي
ياربعنا ياللي على ضفة النيل=ياللي سكنتوا في عمارات عثمان
جتكم رساله ماتبي اي تعديل=وبالخص باخص الرساله لحقان
ايقول ابن ذروه زبون المشاكيل=ولا قال قوله ثايةٍ عبر الازمان
جالس مع نفسه كثير التعاليل=وأليا تعلل كنه بروض بستان
ماحوله الا دلتين ومعاميل=ويقند الدله ليا صار طربان
ويجر صوته كل ما اضلم الليل=ماهي بجرة دان يالليل لدان
كومة طواريقٍ وجمله مواويل=من اول المغرب ليا حد الاذان
يسكر من المسمار والبن والهيل=يومٍ بعض الناس فالبار سكران
باره معاميلٍ وكاسه فناجيل=سطرة معاميلٍ مع دلال رسلان
تطرب خوا رجلٍ كفى القال والقيل=متحدرٍ من ساس قومٍ لها شان
يصدع ليامنه سمع صهلة الخيل=تحصانٍ ابن احصانٍ وجده احصان
بالله يالحبيش عندي اقاويل =قولوا لحقانٍ ياذربين الايمان
والله يالحبيش والله ماعيل=حقان ابن ناصر ليا كان ماكان
خويي اللي ذاخره للمقابيل=خوة ابن شافي مع اخوه راكان
حقان ياويلي على نجم اسهيل=ومن يطلبك ياخوك مارد خسران
جات الرساله وارسلي يامراسيل=صوب القروم اللي بعمارات عثمان
وسلامتكم وبنتظار ابو ناصر
17-08-2007, 07:15 AM
العرض الشجري