البارحه ياقلب مالك مداوي؟؟؟

[حمود بن فطيس]

احبائي اهدي لكم هذه البسيطه للتواصل وارجو ان تحوز على رضاكم

البارحه ياقلب مالك مداوي=واليوم ياقلبي توفر علاجك
علاجك براس الطويلات تاوي=اليا حصدت امن البلاوي خراجك
واليا لواك امن الصواديف لاوي=لابد ماتلقا بصبرك فراجك
ادخل على الله ياكبير الهقاوي=لاتامن الطيحه ويسمع خلاجك
ياقلب انا ياخيك مانيب قاوي=دام الزمن خالف مزاجه مزاجك
انا بشر ياقلب وان جيت غاوي=باقدرك لاجيت والهم لاجك
نصيحتي ياقلب لاصرت هاوي=علق على راس الطويله سراجك

وسلامتكم


حمود بن فطيس