الـيـوم يا صـاحبـي فـرقـاك يـطربـني .... !

[مناحي الصميل]

السلام عليكم ورحمة الله وبركاته



اهدي لكم هذه الكيبورديّه البسيطه

راجيا من الله ان تحضى ولو بالقليل من استحسانكم

اليوم ابرحل .. طلبتك بس تسمعنى !! = المسأله خاربه وأبغيك تنهيها
لا تحسب إنّك على فراقك بتحزنّي = لا والذي خالق الدنيا وفانيها
اليوم يا صاحبي فرقاك يطربني = لا خير في عشرةٍ بانت تواليها
من بعد ما كنت في صدري مخاشرني = والعين متربعٍ فيها وماليها
شف وش كثر كنت تزهمني وتطلبني = وأوقف معك وقفةٍ كلٍ يطرّيها
اليوم أشوفك تناساني ومهملني = حتى الصداقه تردّت ما تحاتيها
في كل ليله بزلاتك تفاجئني = ويا كم زلّه اطوّفها واعدّيها
ماني بلعبه بيدّينك وتلعبني = ولاني بملكٍ من املاكٍ تداريها
عزّاه ياللي من اول كنت توعدني = اليوم شفّ حالتك وشهو مدنّيها
نوعيّتك تافهه ماعاد تعجبني = ودروب طيشك تركتك ماشيٍ فيها
برحل ... وأبي لا تواجهنا تعلمّني ؟؟ = وش هي حياتك بدون اللي معلّيها !!

وسلامتكم