(( هوى الغربي ))

[ناصر المري]

السلام عليكم ورحمة الله وبركاته
هذ أول مشاركه لي وأتمنى أنها تعجب الجميع.......

لا والله ألا غدابي بارد الغربي=وجدد جروح قديمات(ن) معاطيبي
ونقض علي جرحي اللي كان متغبي=جرح(ن) له سنين ماهو حوله يطيبي
وكثرت هواجيس بالي مالها طبي=وعجزت للقى دوى للهاجس يغيبي
لاغابت الشمس جات لقلبي تنبي=ولاغاب هاجوس جات ألف(ن) مناديبي
وعرفت باللي بلاي وقام يلعبي=اللي رماني وصاب القلب تصويبي
جرحه قديم(ن) بوسط الجوف متخبي=وسم بجوفي مثل وسم الكلاليبي
من صاحب(ن) كان حبه مالك(ن) قلبي=ولا كان ظني بتخفيه الدواليبي
أنسى جميع البشر لامن جلس جنبي=واخاف لامن هرج لاطيح وأذيبي
وإلى زهمته وقام بصوته يلبي= كنه يدور على موتي وتعذيبي
صورة جمال(ن)وحسن(ن) خالقه ربي=معا جماله خلي أمن العذاريبي
قد قلت له خل قول الناس ياحبي=قبل ماتصحى العواذل ثم تدريبي
وبغيت قربه وهوماجازله قربي=وعيا ولا فاد قربي له ولا طيبي
وصمم وعزم على الفرقى وشيب بي=والراس عقبه غدى أكثر غالبه شيبي
والجوف قامت به النيران تشتب بي=وخطر(ن) على القلب من حر اللواهيبي
وهموم قلبي علي قامت تصافق بي=خص(ن) ليا أبديت في روس المراقيبي
ويلعب بحالي هوى الغربي إلى هبي=ويغربل قلوب عربان(ن) مصاويبي