كرهت ( الشعر ) من يوم ماكثـرو ( الشعٌـار )

[سعود بن مهدي]

السلام عليكم

__________

كرهت ( الشعر ) من يوم ماكثـرو ( الشعٌـار )=
وانا ( الشاعر ) اللي يبـدع ( الشعـر ) ويحبـه
عسـى الله يرحـم حالتـه .. والقلـوب تغـار=
علـى نظـم ٍ قــلال البصـيـره تلاعـبٌـه
انا .. لو رصيدي بيت واحـد ! مـن الأشعـار=
غدى مـن عيـون الشعـر .. والنـاس تعجبٌـه
هذا الشاعر ( المجرم ) .. وذا الشاعر ( المغوار )=
ماخلو ؟ .. ل ( أبـو العتاهيـه ) بالشعـر قبٌـه
يقولون لي : وشفيك ؟ .. تضحك ودمعك حار !=
وانا اقول : مبطي !! .. ضحكتـي مالهـا سبٌـه
عليـك البـرا .. سويتهـا ! يازمـن غــدار=
وخليتنـي بيـن الـعـرب حـكـي ومسـبٌـه
سلامي على (( قيس الملٌـوح )) سـلام أحـرار=
على ابداعـه اللـي .. لايوصٌـف ! ولا يشبٌـه
وقــد يجـمـع الله الشتيتـيـن بـالأقــدار=
وهم .. ماهقـوا ( ريـح التلاقـي ) لهـا هبٌـه
لعب في فؤادي صويحبـي مثـل لعـب الطـار=
ليـا فـرح يشمـل بـه ... ولا ضـاق يجنبٌـه
خفوقي مثـل طيـر ٍ جريـح .. بيديـه احتـار=
وهو مثـل طفـل ٍ .. فـي يـده طيـر يلعبٌـه
فلا الطير مطلوق ٍ جناحـه ؟ ولا هـو طـار ؟=
ولا الطفـل يفهـم علـة الطـيـر ؟ ويكـبٌـه
ألا ليـت لـي قلـب ٍ .. محـرر ولالــه دار=
أو ان لي خليـل ٍ بالهـوى يخـاف مـن ربٌـه
لو ان الصـدور قبـور ؟ مافضحـت الأسـرار=
مع ان البحـر لـه سـر ! مكتـوم فـي غبٌـه
لـو المطرقـه بتحـس ؟ فـي علـة المسمـار=
ماحـس الجـدار ! اللـي المساميـر فـي لبٌـه
ابوصيـك ياخالـد .. وصيـه ! وهـي تذكـار=
نصيحـة ؟ مـن ( صـروف الليالـي ) تغيبٌـه
تخٌيـر رفيقـك ؟ والرفاقـه ! .. لهـا معيـار=
ولاتقـول أربٌـه ! مثـل مـا اظـنـه أربٌــه
ياما ( تنٌـزل المقـدار ) أو ( ترفـع المقـدار )=
لكٌـن خـوة الطيـب ! .. دوا مـن يبـي طبٌـه
سقا الله .. يومني صغيٌر !! وحولـي صغـار !!=
ولاهمـنـا الا .. نبـنـي الطـيـن ونـذبٌـه
كبرنـا وعشنـا ليـن شفنـا الهمـوم كـبـار=
وكـل ٍ مـعـا هـمـه .. يطفـيـه ويشـبٌـه
أردد في بالـي ( بيـت ) لأبـي فهـد وأختـار=
معانـي تجٌسـد .. قيمـة البيـت .. وتصـبٌـه
تركت ( الصقاره ) يوم كل ٍ غـدى ( صقـار )=
وانا من أول ٍ أشفـق علـى ( الطيـر ) وأحبٌـه

وطــولـة عـمـاركـــم