بحر الحزن .., علي بن فطيس

[علي بن فطيس]

السلام عليكم ورحمة الله وبركاته

أليكم جديدي من القصايد

وأتمنى أن تنال على القليل من رضاكم



........................................

ياشوق أنا بحر الحزن محتوني
مركب حياتي تاه في بحر الأحزان

ذقت العذاب وعشت أنا أقسى سنيني
تبحر بي الموجه على مر الأزمان

مالي سوا ياشوق جر الونيني
أجاذب الونات نارن وبركان

أنادي بأعلى الصوت نبض وحنيني
مثل الطفل تايه بلا علم عنوان

صرخة عنا دمعة ألم تحتويني
تعثر بي الخطوه من الشوق ضميان

ياشوق قلبك قاسين مايليني
وأنا أحسبن قلبك عطوفن وشفقان

تاهة بي الدنيا ودربي حزيني
والعين سالت دمعها بكل وديان

ياشوق يكفي كفا وتعذبيني
شفني بعينك داخل الجرح غرقان

دنيا عناها باين اليوم فيني
مثل القلم ترسمني بيدين فنان

مدري متى شمسك علينا تبيني
ونكون مثل أول حبايب وخلان

.................................



وسلامتكم


علي بن فطيس