ذكرى الوداااع

[سعد بن سريّع]

السلام عليكم ورحمة الله وبركـــاته
هذه او مصـــافحه لانامل فكركم واتمنى ان تحظى بهذا الشرف

خذني من الضيقات للضيقات لو مابه سعه=اهم حاجه ما تفارقني وتاخذني معاك
تعال يا عفري ظبى حزن السنين بمدمعه=اما قعدت بضيقتي ولا يدلهني حكاك
رحت اتسيجج عن هموم البارحه في مرتعه=وذي جرة اقدامك ولكن ما بغيت امشي وراك
يسعد صباح ٍ صبه المولى بطلة مفرعه=عذرًا يا شمس الكون عقبه ما يناسبني سناك
لا بارك الله فالهموم اليا لفت متجمعه=تهون في عيني مع هم الفراق اللي خذاك
حتى خطاه اليا خطا فيني وقف قلبي معه=رحت افتش جروحي وادور عن بقايا من خطاك
ليلي غشى صبحي وغيّب في سواده مطلعه=رحت اسره ليله ورا ليله ولا يقضي مساك
ياشرهة اللي حسن ظنه في وليفه ضيّعه=امسى على حلم البسيط اللي طموحه في صداك
يمّا جذب صوته على المنكوس ولا روبعه=يحسب قصيده ينسي بعادك ولكن ما نساك
صوته نهاك من التجافي وانت رافض تسمعه=قد قال : كافي ما لحقني ، قلت : لا لا ما كفاك
وش عاد باقي من ورا صدك بصدره يجمعه=يلثم زهور ٍ ذابله من عام ضمتها يداك
ياحادي الرجم البعيد اشقيت رجلك تطلعه= عسى نسانيس البراد اليوم تاخذ من عناك
اجاوب سهيل اليماني لا دعاني واتبعه=ارفق علي يا سهيل لا جاني مع الغربي نداك
هذي سنه مرت على ذكراه يوم اودعه=مدري تجي ثاني سنه ولا بيذبحني غلاك

تمت بازكى صلاة على سيد المرسلين ..
مع تحيات الغناوي