مانع وضيدان وسلطان و انا

[الشلاقي عز]

مـانع بن شلـحاط ...يقول

يا الدبيبة يا ولد عمي يا خي الدبه =القصيدة هاجرية واللحن قضعاني
يابحور الشعر يا اجمل ما تظم الغبه=يازفير الموج ياللولو ويالمرجاني
جعلكم بعد السفيه اللى دعم فالشبه=يتبع جموس البدو فالسايد المثناني
و الله اني ما أكرهه لكن ماني بأحبه=كرهني يا كرهني للعالم الفقراني
ليه بروزتوا صور (بباي) زين الحبه=لين قام يقول ذا الاول وهذا الثاني
من تعشى الحبحبه .يجمع بقايا حبـه=خاف يزرعها الفقير ويكبر البستاني
والسلام ختام والباشا يدق الصبه=أنتهى الموجز و أحولكم على الكراني

و رد عليـه سلطان الهاجري

راس ابن شلحاط بين والهبوب تهبه=حتى لو أرسالته مخفية العنواني
فرمضان يصوم ويصلي ويطلب ربه=وبالشهور الباقية بسم الله الرحماني
يستدير وينفخ الجمر الحمر ويشبه=ويعتزي ويقول ياناري ويا دخاني
قلت وش بك قال انا مجنون وانت السبه=انت ويا صاحبك ضيدان بن قضعاني
تمدحون المنتهي وتلبسونه جبـه=لين قام يزاحم الفرسان فالميداني
ما درى أنه وكري لو حط فوق الشبه=يرفع الجنحان ولا يرخى الجنحاني
الشعر مهوب لعبة من بغى يلعببه=عالم ما تفرق الاصلي من التيواني
و أكتشفت أفكار أبن شلحاط حبه حبه=يعتبر نفسه خليفة هتلر الالمـاني

و جـاهم ضيــدان بن قضعان

راكب اللى ماش له ماما ولا له ببه =أخترع شكله امريكي وصنعه ياباني
جيب شاصي فالعتش والصلب كن مطبه=طمرة الزيدي ليا غنا له الجيلاني
نصه اللى فالحنايا ماتغير حبه =شايب و نقدره من عادنا ورعاني
هو أستاذي بالقصيد وفي عموق الغبه=في زمان العولمة والشاعر العلماني
برفسور الشعر واللى سواه نكبـه =لو الابرص خاشره في شاعر العجماني
قل لأبن شلحاط ابو الطيب هجا طرطبه=وذبحه فاتك وهو من خيرة الفرساني
و انت عود نص بطنه واصل لركبه =لا تشقوى بالهوى وتحرش الضباني
والهواجر شيخهم لا أبطيت منه نبه=والشحم فالك وفال الشاعر العرجاني
والسلام ختامها و لكل شي سبه = وانت سبة ضيقة الخاطر وصـح لساني

قلـت عـاد أنـا هالقصيــدة أعجابا بـهم و فضح للمستشعرين

يا جذور الشاعرية يا لحاه و لبـه= يا مشايخة القصيد اللى تسر أعياني
شعركم فاق الجميع مشابهن للقبه= وغيركم شعره صغير يباري السيساني
مانع وسلطان شخصيا أنا معجب به=شعركم لاصار مع هاك الولد ضيداني
لا تجمعتوا قصايد غيركم ما أرغب به=وش لي بقول الهبيل ودان دانه داني
شعركم لو كان جيب بس نور أصطبه=يعمي الحساد ولا يجهر العمياني
عقبكم ماله طعم هذا القصيد وذبه =والله أنه خيرة عن شوفت الورعاني
عـالم وسط الجرايد بالنساء تتشبه=تدعي قول القصيد ولا تعرف الضاني
تبـت أيديهم وتـبه ثـم تـبه تبـه =يدين من باع القصيد ووزعه مجاني
وختامها عندي كلام نقدحه ونشبه= يا ولد خلك بعيد الدير للرهباني