صــدق الــنــوايـا...

[محمد المجول]

بينت صدق النوايا ولاحولي رقيب=نفسي اللي من هوى البيض قدها طايبه.
أشهد إني رابحن تاج كسرى يالبيب=يوم سلطان البشر ماسلم من نايبه.
ياشموس النور وإلا ظلامك يامغيب=مادريت إن الحكايه نفوسن خايبه.
غلطتي أكبر من اللي تعزوا في صحيب=عزتيله مادرى إن يمينه عايبه.
مرتن تسلم ومليون مره ماتصيب.مرتن تحكم وعشرين مره سايبه.
كنها من صفوة الخلق ماتخشى حريب=جلها في كذبها والحقيقه غايبه.
من مزامير السهر لي طبول أهل الصليب=كلن يغني لها أشهد إنك صايبه.
أبعد الخطوه وكابر وأقول إني قريب=مادرت ياعونها إن نفسي تايبه.
ياعرب وين الخطا والعذر ماله حسيب=كثر ترديد الحكي مارحم طلايبه.
العتب والجور والكذب والليل الكئيب=والسهر والهم وضلوع جسمي ذايبه.
والإمام اللي ترقى إلا وضع الخطيب=مانفع نفسه أجل كيف ينفع شايبه.
الخطا ياتي في مره ومره كم تصيب=لكن إني صاحب الراي ماهو نايبه.