أنــــا رفــيــــقــــــــــــــــك

[علي العايد الهاجري]

لا مـا تغيـّـر شـي عـامـيـن وألفيـت=هذا أنت في لحْمك وشحْمك ورسمْك
رفيقـي اللـي يـدّعـي ضيّــع البيــت=وأنــا بعــد ضيّــعت بيتـــك ورقمـــك
الله يـا وقــت جمعنـا علـى الصيـت=يوم إن خصْمي هو عدوّك وخصْمك
وإن إذكروني في حضورك تحاميت=وإن إذكروك بحضرتي ما وطا اسمك
يـا مـرحبـا بـك مـرحبـا بـك وحييـت=حبيت لي راسـي وحبّيـت خشمــك
تعـال وعلمـنـي وقـل ويـش سويـت=خليتنـي مــن يــوم حققــت حلمــك
يــا جعــل فيــه العافيــة لا تعليــت=وإن دل بإصرارك وجهدك وحزمك
وأنا بعد من دون عمري ولا جيت=إلا وحلمــي قـــد تحقـــق لعلمـــك
وأنا رفيقـك كان ماأنـت بتنـاسيت=ولا نسيـت أصـلك وفصـلك وسلمك
إلا المـراجــل كـان عنهــا تخليـت=إن ما نقص حجمك فلا زاد حجمك
والله يبيحك كان في حقي أخطيت=مـحـــلل مـا فيــك دمّــك ولحمـــك
وعادك بتذكرني ليا من تعزويت=وعــادك بتفقــدني ليـا مال عزمـك
وأنا على خبـرك مثـل ما تمنيــت=رصيــدك اللـي يرتفـع فيـه سهمـك
ولا ضاقت الدنيا عليك وتوازيت=إنشــد وتلقـانـي علـى حــد علمــك

( علي العايد الهاجري )