قصيده للشاعر حمدان المري في مصر

[دوسري يحب العجمان]

للشاعر القطري الشاب حمدان المري

يامحمد أخلص لاتطولها وهات المختصر
لاتنشد الا من مياه النيل وبرج القاهره

لاعاد تسألني وش اللي مبطي" بي في مصر
ليت العيون النايمه سوت سوات الساهره

البارحه عند العصر ما كن حن عند العصر
غشى سواد الليل عين اللي زمانه قاهره

من يوم شفت أم العيون السود ضامرة الخصر
وانا اتحاشى شوفها والا عيوني جاهره

علي الحرام ان كنها تعصر معاليقي عصر
إلى استمال عويدها اللي كن ربي صاهره

لو ان ماهي تستاهل ان زين الملا فيها حصر
ماكان حتى عروقها من خلف يديها ظاهره

قامت وقام الناس ومن جاء بيتعدها قصر
حسبي عليها ان كنها على التغنج ماهره

لو اني معها في عريش أخير من بيت وقصر
منزالها يسمو على كل البيوت الباهره

هذي مصر وإذا بغيت تعرف وش معنى مصر
أشرب مياه النيل والا ذب برج القاهره