خيرك كثير ،، ويرحم الله والديك/لمحمد جارالله

[قبلة العذارى]

السلام على من اتبع الهدي


واسعد الله اوقاتكم بكل خير


قصيده اعجبتني للداهيه ( محمد جارالله السهلي ) ، عسى ان تحوز على رضا ذائقتكم

الغايب اللي غابت سنينـي معـاك=يا جعل ما جاني من الفرقـا يجيـك
استغفر الله ،، جعل ماجانـي فـداك=حتى لو ان نهايتي على يدييـك!
مسامحك .. واللي بقوله فـي قفـاك=خيرك كثير ،، ويرحـم الله والديـك
ماصار شي ابلا رضاي الا رضاك=اللي ماهو فيني وابيـه القـاه فيـك!
كنت السما في عيني ،، وعيني سمـاك=كانت حياتـي كلهـا منـك واليـك
كنت بيديني ،، مير مدري مـن خـذاك؟=حسبي على تقصيري ،، وحسبي عليـك
علمتني وش الحياه ،، مـن الهـلاك=في موادعك هذا ،،وفي جيّتـك ذيـك
ياكيف ابلقى شخص يسواني سـواك=كل مانويت انهيك في شخص ،، ابتديك!
أبـدى أقـارن مستـواه بمستـواك=واخاف لاتزعل وابيعـه واشتريـك
والمشكله ،، رغم محبتـك وغـلاك=واني رغم كل شيّ مشتـاق وابيـك
ما هوب من حقي يضايقنـي جفـاك=ولااعشقك ،، ولاالمحك ،، ولااحتريـك!!
لكن ما يخفانـي ،، ولا اظـن يخفـاك=حقي عليك ،، انّك تطمنّي عليـك!!

وسلامو عليكم