مصـــــافـــحة اولــــــــى

[فارس الحشار]

السلام عليكم ورحمة اللة

يشرفني ان اضع بين ايديكم هذية المتواضعة

طال الطويل ومطول اليل طولاه=دايم معاويد اليالي طويله
تسهر عيوني فآخر الليل وادناه= واونس بكبدي مثل حرّ المليله
والدّمع من شان المفارق ذرفناه=واكبرها كبراه وش ذا الفشيله
والجمع بالجمع الموالي دحمناه =واسرجت سرجي فوق ظهر الاصيله
كله لجل عينه ورمشه ووجناه= مايستويلي بالهوى واستويله
اقفى وخلاني وانا مقدر انساه=وانا دخيل الحب مدري دخيله
اقفى فمان الله برعاية الله=وانا لي الله ماش حيلٍ وحيله
اقفت ضعونة يافهد واحلالاه=كحيلةٍ من فوق ظهر الكحيله
لو انّها بالعصر الاول مخباه=ولو انّها بالعصر الاول حليله
بغيت اخلّي كل وادي ومجراه=يالين ماسالت عليّ المسيله
ارجع فديتك واحسم الامر وانساه=فديت زولك دوّر ايّة وسيله
ماعادلي قلبٍ تحدّة على اقصاه=ولا عادبي حيلٍ يشلّ الثقيله
اركى على قلبي ثلاثين عرقاه=وبيّد بحيلي بيد الله حيله
وش فيه لا عرّض علي عجّل اخطاه=لالا يحسب ان جيّتي مستحيله
اما نجيبه غصب وآمره وانهاه =حتى يجيلي كلّ ماجيت اجيله
ولا ندوس القلب يالين ينساه=موت القلوب ولا حياة الرذيله