كلٍ يعـوّد لاصـل جـدّه ومربـاه!!

[دوسري يحب العجمان]

قصيده اعجبتني وجبتها لكم اخواني آمل ان تنال اعجابكم!

كلٍ يعـوّد لاصـل جـدّه ومربـاه
راعي الشرف يشرف والانذال يهبون

..الفْرع من عوده شرابـه ومسقـاه
والحنظلة مرّه ولو تشـرب مـزون

..الطّيـب كايـد والمناعيـر تقـواه
والهون هيّن تدنع النفـس وتهـون

..ناسٍ على كسب المراجل مضـرّاه
وناسٍ على كسب الفشيلة يضـرّون

..هذا على وضح النقا كـل ممشـاه
وهذا الا شافـوه ربعـه يصـدون

..لا تامن الخوّان لو زخـرف حكـاه
من خان بك مرّه يبي باكـر يخـون

..وافطن ترى زول الرّجاجيل تـوّاه
كم واحدٍ يعجبـك زولـه وهـو دون

..يا طيّب الشارات من يـوم منشـاه
احذر عدوّك لايغـدرك علـى هـون

..ترى عدوك غايتـه فيـك ومنـاه
يزرع بصدرك من قنا رمحه طعـون

..والّلي رضع لبـوة عـدوّك توقّـاه
الجرو ولـد اللبـوة الّلـي تعرفـون

..للطّير يالصقّـار بالرّيـش مغـواه
الجاهل الّلي باكثر الريـش مفتـون

..للحُـر والشبـوط ماكـر ومجنـاه
والفرق بالافعال لـو هُـم يطيـرون

خالد الفيصل

وتقبلوا كامل احترامي اخواني...