مجارات للشاعر ناصر البرغش ( أسعار الجمعيات)

[الدالوب]

صباح الخير للجميع
انا قريت قصيدة ناصر البرغش اليوم الصبح
فشدتني القصيده للمجاراه
لحد يواخذني اذا فيه قصور لاني رديت بدون مراجعه (علي دوام )
صلو علي النبي ,,,,,,,,,,,,,,,,,,,,,,,,,,,,,,,و

يا ناصر البرغش كلتنا المخاسير = ولّي دهاك اليوم قبلك دهاني
والوضع ناوي يمته للمحادير = عقب( ثلاث) أيام عيد رمضاني
وتشوف بزران الجماعه طوابير = ويروح ما في جبتك في ثواني
من عقب منت امّرتكي للدنانير = ترجع علي الارباع والعمر فاني
وذولا تودعهم وذولا مسايير = وهذا معه بزران ياوين جاني
ولا عاد تلقي ما تعشيبه الطير = اقفي حلالك بين مارس وشاني
والوضع مزري والبلا في الفواتير = فاتورة الجوال والله بلاني
لو بتعذر ما تفيد المعاذير = غصب(ن) علي ادفع وانا في مكاني
حنا ابتلينا بين ناس(ن) هوامير = هذا يقطعله وهذا كلاني
يا ناصر اسمحلي وتصبح علي خير = وتسلم قوافيك وذيك اليماني

وسلامتكم ,,,,,,,,,,,,,,,,,,,,,
اخوكم :
عبدالله العجمي