كل مالديـت عينـي فيـك يامضنونـي=قمت احدث نعمة الي خالقـك سبحانـه
واتئمـل نعمتـه واقــول يامفتـونـي=لايهمونك بنـات الكـون وانتـي دانـه
انتي اكبر عز وانتي اجمل بنات الكوني=كانهم فضه تـراك الماسـه ومرجانـه
لعنبوش انتي جمالش يهدي الصهيونـي=وان نظره العاقل يهمل عشـا ضيفانـه
انتي اجمل من خلقه الله رئتـه عيونـي=وانتي اوفى من وفى الديان مـع ديانـه
ماخذه نصف الجمال اليوسفـي والّونـي=لون حوريـه وجسـمٍ عودهـا ريانـه
عود موزٍ لانثنى مالت معاه اغصونـي=كل ماهب الهوى قامت تميـل اغصانـه
بو رموشٍ كل ماسلهم تهيـض شجونـي=صفة اجيوش الحرس لاحضر بميدانـه
وان نظرني شفت في نظرة اعيونه كوني=مبلشٍ رمش العيـون الناعسـه حجانـه
نظرته تخلف ولاكـن ماتهـز متونـي=يرسل اسهوم العذاب ومهجتـي نيشانـه
بو ثمـانٍ تنتسـب للؤلـؤ المصيونـي=وان ضحك قال القمر مثلي قمر انسانه ؟
مع هذا كله مع انـه عاقـل ومزيونـي=قولته لبييييـه: تلقاهـا عسـل بلسانـه
حط حبه خالقه في ماي فـي ماعونـي=والله الي صخره لي والله الـي صانـه
ودي اوّصف بعـد واخـاف لايدرونـي=شلـةٍ كـن انميمـه عندهـم آمـانـه
خايف الحساد تاقف دونه ومـن دونـي=وان حصل ذي جثة ابن مانعه واكفانـه
كفنونـي واحذفونـي عنـده وخلونـي=والحذر: لاتحذفوني عند احـد جيرانـه
نزلوني عند بيـت ازيـن ثـم ابكونـي=وقولو انه مات واسمك في يدينـه عانـه
نزلونـي عنـده وخلونـي وعـدونـي=حي لامنه نظر فـي جثتـي باعيانيـه
20-10-2007, 04:34 AM
العرض العادي
