|| يامـا فزعــنــا وطـــار من سـيفـنا رااااس...... ..!!!!||

[مبارك بن مجروب]

السلام عليكم ورحمة الله وبركاته ...
بعيدا ً عن المقدمات التقليديه والمتكرره
اضع بين ايديكم هذي القصيده المتواضعه على امل ان ترقى بذائقتكم ,,,,

ياربي يامنزل التوبه على الناس=اغفر ذنوبي يا اله العبادي
وجنبني ياربي من فتنة الافلاس=وياليت قراني شرابي وزادي
واسكني ربي وسط جناتن وناس=واحشر معي منهو يلبي المنادي
وان جيت ابمدح ظهروا كل كراس=ثم دونوا تاريخ جد وجهادي
ماودي امدح ,, مدحي ماهو بمقياس=لكن مدح القوم ماهو ارادي
ربعي ضنا مرزوق عزن ونوماس=بين المراجل رجلهم مايقادي
عجمان فزاعه ولانعرف الياس=واجمل هوايه قطع روس الاعادي
ماننتظر عالمرجله قرع الاجراس=نغزي المراجل مثل غزو البلادي
تشهد لنا الاتراك مع كل نسناس=ويشهد لنا منهو على الارض سادي
حنا قبيله ما اشتهرنا بالانجاس=ولا الردي ماله مكان ومرادي
قلوبنا بيضه كما قطعت الماس=ونفوسنا تشبه بساتين كادي
بس احترس .. ثم احترس .. كون حساس=لم نوينا ويل منهو يعادي
ياما غزينا وطار من سيفنا راس=وياما فزعنا لكل منهو ينادي
حنا لنا بالعز والطيب نبراس=وياسعد من حنا كنا له عضادي
وياسعد من كنا له عصابة الراس=بين الفحول افحل ولاهو يضادي
ولو اعتزي ذا الناس ما عاد هي ناس=كل القلوب تموت الا فؤادي
لاني من رجالن لهم خير مجلاس=وصحيبهم ذا العز عليه بادي
ماهو فخر سالم ولا يطول جساس=ولافخر همام وابن عبادي
حنا فخرنا مبتدينه على ساس=ان فخرنا كل يومن يزادي
فخرنا يالعجمان فخرن مثل فاس=يقطّع الي ناوين فالتمادي
موروثنا خير وفخر دااخل كياس=نعطي ولا نعرف شحوح الايادي
وقبل انتهي بحط بيتن بالاقواس=قد قاله قبلي شيخ ماهوب عادي
((زدنا وعدينا على الحق بقياس=وعشنا بحد السيف في كل وادي))
وان قلت وش حنا ؟ وش عرق ذا الساس؟=ينطق لساني عز باسمي وميلادي
عجمي وجدي يام باسي ماهو باس=يعني الفخر في يام شي اعتيادي
حنا سلايل يام لاحمية الطاس=محنا نفرق بين ثاير وهادي

وسلامتكم ,,,,,,,,
اخوكم\مبارك العجمي

[ماااهمني]

صح لسانك
تقبل تحياتي

[GUCCI]

اخي مبارك


صح السانك


قصيده رائعه


ولكن هناك الكثير من الكسور والخلل في الوزن



تقبل مروري

[مبارك بن مجروب]

ماهمني .. صح بدنك طال عمرك
ولاهنت على مرورك المشرف والكريم
,,,, مبارك المجروب ,,,,

[مبارك بن مجروب]

Gucci ,,, صح بدنك
(( اتقول فيه كثير من الكسور انا ماني شايف فيها خلل وبعدين هذا شغل الاداره راجع قوانين النقد في المنتدى ))
لاهنت على مرورك وشكرا ً
مبارك المجروب

[ارعدي ياسحابة]

اخي مبااااارك قصيدة جدا جدا جدا الرائعة ونعم فيك وفي عزوتنا
ونعم بالعجمان كلهم ولاهنت اخووووي
اختك ارعدي ياسحاااااااااااااابة

[ال محفوظ العجمي]

حنـا قبيلـه مـا اشتهرنـا بالانجـاس
ولا الـردي مالـه مـكـان ومــرادي
قلوبنـا بيضـه كمـا قطعـت المـاس
ونفوسنـا تشـبـه بساتـيـن كــادي



صح لسااااانك .. يا ابن مجروب

(( سجل اعجابي ))

ننتظر جديدك

[مبارك بن مجروب]

ارعدي ياسحابه ,,, شكرا على مرورك الرائع
وماعليش زود
مبارك العجمي

[مبارك بن مجروب]

صح بدنك يالمحفوظي ولاهنت على مرورك المشرّف
اعجابك فخر لي ,,,,
اخوك/مبارك العجمي

[عـشـق بـدوي]

السلام عليكم ورحمة الله وبركاته

عز الله انها قصيدة جزله جزله جزله جزله

ومن راس جز ل

لاهنت على ذا الفريده

واقول للي قال انها ماهيب موزونه اقراها اكثر من مره واقراها بلهجتنا وشرط تطلع موزونه انا قريتها اول مره وبعض الابيات ماهيب موزونه بس مع الالقاء من شاعرها اكيد بتصير موزونه

هو لو هو حاط حركات كان بتبين لك هي موزونه والا لا بس عز الله انها جزله ولافيها ولا في راعيها قصور


بيض الله وجهك يابن مجروب