قصة وقصيدة اب يدعي على ابناءه (بالصوت )

[أبوفزاع]

السلام عليكم ورحمة الله وبركاته

هذه القصة والقصيدة مؤثرة جدا اذ كيف يدعو اب على ابناءه ولكن انظروا ماذا فعلوا به

ونسال الله تعالى ان يجعلنا بارين بوالدينا ويبر ابناءنا فينا




اليكم القصيدة والقصة طبعا منقولة ولكن تعبت على الرابط الصوتي


الشاعر جحيش بن مهاوش قال قصيدته المرثية في عياله حيث انه دعا

عليهم واستجاب الله دعوته ولم ينجبوا أولاداً وقيل أنهم تزوجوا عدة مراة ولكن أمر الله قد

نفذ وانقطعت من ذلك الزمان ديارهم .......

والقصة وما فيها أنهم تنكروا لوالدهم بعدما توفيت أمهم وهم صغار وقام بتربيتهم حتى

كبروا وكان لهم بمثابة الأم والأب يسهر الليالي على رعايتهم وراحتهم وفي النهار يذهب

لجلب طعامهم............. الخ وعندما كبر الابناء تنكروا لذلك الاب وأصبحوا لا يطيقون الجلوس

معه مراعاة لخاطر زوجاتهم اللاتي تأففن من خدمته وصار كل واحد منهم يطرده من بيته فما

كان من الوالد الا ان هجرهم وبقى وحيداً ومرت الايام حتى اصبح لا يقوى على النهوض أو

السير وضعف بصره فذهب زاحفا يتوسل ويرتجي أبنائه بأن يقضى مابقى من عمره معهم

فلم يستجب له أحد منهم ...................... فقال فيهم الأبيات التالية :
قال الذي يقرا بليا مكاتيب 0000000000 ياللي تقرون العمى من عماكم

ياعيالي اللي تشرفون المراقيب 0000000000 تريضوا لي واقصروا في خطاكم

خذوا كلام الصدق ما به تكاذيب 0000000000 مثل السند مضمون للي وراكم

ياعيال لا صرتوا ضيوف ومعازيب 0000000000 ترى الكلام الزين ملحة قراكم

وتروا السبابة من كبار العذاريب 0000000000 وهرج البلايس ما يطول لحاكم

المذهب الطيب فهو مذهب الطيب 0000000000 والمذهب الخايب يبور نساكم

ياعيال ما سرحتكم باللواهيب 0000000000 ياعيال ما عمر المعزب ولاكم

ياعيال ماضربتكم بالمشاعيب 0000000000 ولا سمعوا الجيران لجة بكاكم

ياما توليت القبايل تقل ذيب 0000000000 من خوف لاينقص عليكم عشاكم

وياما شربت السمن من عرض ماجيب 0000000000 يـــفــز قــلبي يوم يبكي حداكم

أحفيت رجليني بحامي اللواهيب 0000000000 وخليت لحم الريم يخالط عشاكم

ياعيال دوكم لحتي كلها شيب 0000000000 هذا زمان قعودنا في ذراكم

قمت اتوكا فوق عوج المصاليب 0000000000 قصرت خطانا يوم طالت خطاكم

عطوني القرضة عليكم مطاليب 0000000000 عطوني القرضة جزى من جزاكم

لابد يوم عاوي دوني الذيب 0000000000 بالقبر ما افرق طيبكم من رداكم

ماني بفاضحكم بوسط الاجانيب 0000000000 باعمالكم يدرون كل اقرباكم

لوكان تدرون الردى والمعاييب 0000000000 صرتوا مع المخلوق مثل خوياكم

خوالكم بالطيب تروي المغاليب 0000000000 ولو تتبعون الجد محدن شناكم

وش علمكم يا تاركين المواجيب 0000000000 حسبي عليكم هالردى وين جاكم

قصيتكم واسندت وادي سلاحيب 0000000000 ولقيت بالصبخا مدافيق ماكم

ياعيال بعتوني (بصفر العراقيب)* 0000000000 ما هي حقيقة سود الله قراكم

يالله عسى اعماركم شمسها تغيب 0000000000 يعتم قمركم ثم تظلم سماكم

يا علكم في حاميات اللواهيب 0000000000 ياللي على الوالد خبيث لغاكم

شفت الجفا والحيف والغلب والريب 0000000000 بضلوعكم لابيض الله قراكم

عسى نساكم ما تحمل ولا تجيب 0000000000 ولا حدن من البزران يمشي وراكم

اخسوا خسيتوا يا كبار اللغابيب 0000000000 اهبوا هبيتوا يقطع الله نماكم..................................................
المذهب الطيب فهو مذهب الطيب 0000000000 والمذهب الخايب يبور نساكم
البيت هذا يحكي الطيب اللي يعرفه في نسبه ويمدح خوال عياله انهم طيبين
ويستغرب كيف الردى جاهم وصارو رديين.............
ياعيال ما سرحتكم باللواهيب 0000000000 ياعيال ما عمر المعزب ولاكم
هذا الشطر يحمل من المعاني المحزنه
في الوقت الماضي ايام الفقر والناس ماتلقى من وين يجيهم دخل
كان يروح الشخص اللي عليه قل مال ويسرح يعني يصير راعي ماشيه
وياخذ اجره رأس من الماشيه اللي يحفضها ويرعى فيها
وكان جحيش يخاف على عياله من الشمس والقيض والحر والسموم
ويخاف عليهم من هواش الشخص هذا اللي اللله اكرمه وعطاه الحلال هذا
فا راعي الحلال دايم تلقونه عصبي يخاف على حلاله وجحيش مايبي احد يزعل عياله
يوم صارو شباب وكبرو شوي وقال الشطر هذا
ياعيال ما سرحتكم باللواهيب 0000000000 ياعيال ما عمر المعزب ولاكم.............................
دئما اغلب الاباء يطقون عيالهم ويقولو لعيالهم قبل
اطلع رح عني لا تسكن معي مو كره في عياله لا بس عشان تطلع رجولته ويصير رجال
يعتمد على نفسه...
واللي مايطلع بعض الاباء يضربون عيالهم ومثل ماقلت ماهو كره لهم
وكان جحيش يشوف النوع هذا من الاباء وعطانا عبره في الشطر هذا
ياعيال ماضربتكم بالمشاعيب 0000000000 ولا سمعوا الجيران لجة بكاكم
...................................
أأأأأأأأأأأأأأأأأأأأأأأأأأأأأأأأأأأهـ
ياما توليت القبايل تقل ذيب 0000000000 من خوف لاينقص عليكم عشاكم
أأأأأأأهـــ
يروح الي جميع القبائل يدور اي شغله عشان مايجوعون عياله
................................. فعلن أأأأهــ
ليش ياحريم..........
لرجل قلب من حديد لا احد يستطيع غلبه الا النساء
لا احد ينكر ان الزوجات طموحهن اقوى من شلال هادر....
ولا احد ينكر ان بعض الزوجات احرص من قلوب ازواجهن عليهم
وتخشى على زوجها اكثر ما تخشى على نفسها.....
ولكن قله....!
جحيش كان يروح لعياله في الرفه( القاطع في بيت الشعر المخصص لكل واحد من أبناءه
هم ثلاثه
راح الي رفة الكبير وطردته زوجة ابنه الكبير
ومن ثم راح للاوسط:: وطردته زوجة ابنه الاوسط
ومن ثم الاصغر::: وكذالك طردته زوجة ابنه الاصغر
ولما أتى كل واحد الي رفته
وكل وحده منهم قالت لزوجها ابوك غثنا مخرف وماعاد يحترمنا
ومن الكلام هذا........
وش قال عاد جحيش::::
قال::::::::ياعيال بعتوني (بصفر العراقيب)* 0000000000 ما هي حقيقة سود الله قراكم
صفر العراقيب يقصد بها النساء.....
وهنا الابناء تركو ولدهم في الروض اللي كانو ساكنينه
الروض::: الارض الصحراويه ومكان تربية جحيش لهم
وقال::::ياعيالي اللي تشرفون المراقيب 0000000000 تريضوا لي واقصروا في خطاكم
اقصرو خطاكم يعني وقفولي انا في عقلي لكن كبرت وماقدر افك روحي
حتى من اصغر الحيوانات البريه
في عز شبابه كان شجاع والريم اللي هو نوع من انواع الغزلان
كان سريع وقله اللي يقدرون على صيده
وكان يصيده لعيالهم
وقالهم
أحفيت رجليني بحامي اللواهيب 0000000000 وخليت لحم الريم يخالط عشاكم
في عز حرارة الشمس على الارض كان يجري خلف هذا النوع من انواع الغزلان
حتى يصيده ويعشي عياله من لحمه
وهنا الدعوه اللي دعاها على عياله ومن المؤرخين الذين صدقوا
ان جحيش انقطعت سلاسلته ولم يعرف بعد هذا اي نسل له
واسمعو كيف دعى عليهم وقال:::
عسى نساكم ما تحمل ولا تجيب 0000000000 ولا حدن من البزران يمشي وراكم
اخسوا خسيتوا يا كبار اللغابيب 0000000000 اهبوا هبيتوا يقطع الله نماكم


وهذا هو الرابط الصوتي

http://upload.9q9q.net/file/xZwnoKZ4...ccounting.html


او هذا


http://upload.9q9q.net/file/xZwnoKZ4...ccounting.html

[عــجــ100]

لاحول ولاقوة الا بالله

لاهنت يابو فزاع على النقل

[العسل]

مشكور على القصيده المحزنه

[أبوفزاع]

عجــ100


شكرا لمرورك الكريم وجزاك الله كل خير

ولاهنتي ايضا

[أبوفزاع]

العسل


شكرا لمرورك الكريم وجزاك الله كل خير

[هنوف الكويت]

الله يعين قصه بالفعل محزنه

[أبوفزاع]

هنوف الكويت

شكرا لمرورك الكريم

وجزاك الله كل خير

فعلا القصة محزنة جدا

[الجلمود]

لاهنت يابوفزاع



وماقول غيرالله لايبلانا

[أبوفزاع]

الجلمود

جزاك الله كل خير

واشكرك على مرورك الكريم

[دلوعة الرياض]

حــــســــبي اللـــــه علــــــيـــهــــــم مـــــن عـــــيـــــال

اللــــــه لا يــــــبـــــلانـــــا

ومشـــــكور علــــى المـــــوضـــــوع

الجــــــــــــــــــناااااااااااااااااااااااااااا ااااااااااان

لاهـــــــــــــــــــــــنـــــــــــــــــــــــ ــــــــــت