من روائع بدوي الوقداني

[يتــــــرنم]

السلام عليكم
القصيده للشاعرالكبير بديوىالوقدانى العتيبى رحمه الله رحمه الابرار

وهى رائــــــــــــــــــــــــــــعــــــــــــــه وهى :


أيامنا والليالي كم نعاتبها *****شبنا وشابت وعفنا بعض iالأحوالي

تاعد مواعيد والجاهل مكذبها *****واللي عرف حدها من همها سالي

إن أقبلت يوم ما تصفى مشاربها***** تقفي وتقبل وما دامت على حالي

في كل يوم تورينا عجايبها *****واليوم الأول تراه احسن من التالي

أيام في غلبها وايام نغلبها *****وايام فيها سوا والدهر ميالي

جربت الأيام مثلي من يجربها *****تجريب عاقل وذاق المر والحالي

نضحك مع الناس والدنيا نلاعبها *****نمشي مع الفي طوع حيث ما مالى

كم من علومٍ وكم آداب نكسبها*****والشعر مازون مثقالٍ بمثقالى

اعرف حروف الهجاء بالرمز واكتبها*****عاقل ومجنون حاوى كل الاشكالى

لكن حظي ردي والروح متعبها *****ما فادني حسن تاديبي مع أمثالي

إن جيت ابي حاجةٍ عزت مطالبها*****العفو ما واحدٍ في الناس يا والى

قومٍ الى جيتهم رفت شواربها*****بالضحك واقلوبها فيها الردا كالى

وقومٍ الى جيتها صكت حواجبها*****وابد ت لي البغض في مقفاي واقبالي

ما كني إلا حال مغضبها *****والكل في عشرته ماكر ودجالي

يا حيف تخفي أموراً كنت حاسبها ****واللي على بالهم كله على بالي

الجار جافي وكم قومٍ محاربها *****والأهل وأصحابنا والدون والعالي

والروح ويش عذرها في ترك واجبها *****راح الحسب والنسب في جمع الأموالي

نفسي تبى العز والحاجات تغصبها *****ترمي بها بين أجاويد وانذالي

المال يحي رجالاً لا حياة ابها *****كالسيل يحي الهشيم الدمدم البالي

عفت المنازل وروحي يوم اجنبها***** منها غنيمه وعنها البعد أولا لي

لا خير في ديرةٍ يشقى العزيز ابها *****يمشي مع الناس في همٍ وإذلالي

دارٍ بها الخوف دومٍ ما يغايبها *****والجوع فيها ومعها بعض الاحوالي

جوعى سراحينها شبعى ثعالبها *****لكلب والهر يقدم كل ريبالي

عز الفتى راس ماله من مكاسبها*****يا مرتضي الهون لا عزٍّ ولا مالي

دللت بالروح لين ارخصت جانبها *****وانا عتيبي عريب الجد والخالي

قومٍ تدوس الافاعي مع عقاربها *****ولها عزايم تهد الشامخ العالي

خل المنازل وقل للبين يندبها *****يبكي عليها بدمع العين هطالي

لا تعمر الدار والقالات تخربها *****بيع الردي بالخساره واشتر الغالي

ما ضاقت الأرض وانسدت مذاهبها *****فيها السعه والمراجل والتفتالِ

دارٍ بدار وجيرانٍ نقاربها *****وارضٍ بأرض وأطلالٍ بأطلالي

والناس اجانيب لين إنك تصاحبها*****تكون منهم كما قالوا بالأمثالي

الارض لله نمشي في مناكبها *****والله قدر لنا أرزاق وآجالي

حث المطايا وشرِّقها وغرِّبها *****واقطع بها كل فجٍّ دارسٍ خالي

واطعن انحور الفيافي في ترايبها *****وابعد عن الهم تمسي خالي البالي

من كل عمليةٍ تقطع براكبها *****فدافد البيد درهامٍ وزرفالي

تبعدك عن دار قومٍ ودار تقربها *****واختر لنفسك للمنزال منزالي

لو متّ في ديرةٍ قفراً جوانبها*****فيها لوطى السباع الغبس مدهالي

اخير من ديرةٍ يجفاك صاحبها *****كم ذا الجفا والتجافي والتعلالي

دوس المخاطر ولا تخشى عواقبها *****الموت واحد وبعد العز يجلالي

ان المنايا إذا مدت مخالبها*****تدركك لو كنت في جو السما العالي

ما قرت الاسد في عالي مراقبها***** تسعى على الرزق ما حنت للاشبالي

والشمس في برجها والغيم يحجبها *****تقفي وتقبل لها في العرش مجدالى

رب السماوات يا محصي كواكبها *****يا مجري السفن في لجات الأهوالي

ضاقت بنا الأرض واشتبت شبايبها *****والغيث محبوس يا معبود يا والي

يا الله من مزنةٍ هبت هبايبها *****رعادها بات له في البحر زلزالي

ريح العوالي من المنشا تجاذبها *****جذب الدلى من جباء مطوية الجالي

ديمومةٍ سبلت وأرخت ذوايبها *****وانهل منها غزير الوبل همالي

تسقي دياراً شديد الوقت حاربها*****ما عاد فيها لبعض الناس منزالي

يا جاهل اسمع تماثيلاً مرتبها *****فيها معاني جميع القيل والقالي

مثل المحابيب زادت في قوالبها *****في صرفها زايده عن قرش واريالي

يا ربي توبه وروحي لا تعذبها *****يوم القيامه إذا ما ضاقت اعمالي

وازكى صلاةٍ على المختار نوهبها *****شفيعنا يوم حشرٍ فيه الأهوالي





وسلامتكم

[عيد بن شدقان]

يتــــــرنم
لاهنت على النقل الطيب
وصح السانك والسان بديوي الوقداني

[يتــــــرنم]

الله لا يهينك يالذيب ومشكور على المرور ويامرحبا،،،،،،،،،،،،،،،،،
وصح بدنك والله يرحم قايلها



أخيك / يتـــــــــــــــــــرنم

[السياسي]

ارحب يا يترنم ولا هنت على عرض هذه القصيده الرائعه


السياسي

[راكان اليامي]

صصح الله لسانك يايترنم وصح الله لسانك ولسان المرحوم بدوي الوقداني

[يتــــــرنم]

بك ابقى يالذيب والله يحيك يالسنافي والله لا يهينك على المرور ،،،،،،،،،،،،،




أخيك / يتـــــــــــــــــرنم

[يتــــــرنم]

يا مرحبا ومسهلا الله يحيك يأبوركان الله لا يهينك يالذيب على المرور،،،،،،،،




أخيك / يتـــــــــــرنم