ܓܨ" .. مح.ـمديآت .. " ܓܨ

[محمد بن سعود]

تكـفـون يالـلـي تمـرونـه علانـيّـه=قولوا له : الموت لامن غـاب يبرالـي !
وقولوا له : ان غيبته مـا هيـب عاديّـه=وخلوه يرجـع يشـوف بعينـه احوالـي
وقولوا له : انـه ذبحنـي لعنبـوا حيّـه=ما يرحم الشوق غالـي ينتظـر غالـي !!
وقولوا لـه : ان صـد والصـده نهائيّـه=اشوالي آصد !! لا والله وش اشولـي !!
حيـل الله اقـوى عساهـا روحـه بجيّـه=وعسـاه مـا يبطـي ويرجـع ويسعالـي
وقولوا له : الله حسيبـه كـان لـه نيّـه=ما عاد يرجع لـي وقولـوا لـه التالـي :
حرام كلّي ( ظمـا ) وايديـه ( وسميّـه )=وحرام ( مالي أمل ) مدامه ( آمالـي ) !!

[محمد بن سعود]

أي والله انـي ضايـق ومرهـق ومخنـوق وحزيـن=وإما بموت مـن الولـه ولا بمـوت مـن القهـر ..
واللـي لعـب فـي حسبـة ايامـي وخلاّهـا سنيـن=إني على ذا الحال يا شعري لي اكثـر مـن شهـر !!
بعت ( المدينه ) لجل ( عين ) وقالـوا الخافـي يبيـن=ودفنتك ( بجوفي ) وقالوا وش بقابـك مـا ظهـر ؟!
يا مطوّل الغيبه يا طـول الشـوق .. ميـر الله يعيـن=العاشق اللي عـاش ظامـي بيـن عـدّك والنهـر .!
عيّدبـي غيابـك ( سنـه ) والليلـه مـن العايديـن=ولا عاد عيدك يا الجروح اللي بقلبـي مـن دهـر ..
يا صاحبي لو تعتـذر عـن غيبتـك عـذرك سميـن=حبك بعد ما غبت عـن عينـي تمـادى وازدهـر ..
من يوم شفتك ( والنعاس ) بعينك النجلا ( سجيـن )=ومن نفس ذاك اليوم و عيوني ( سجينه للسهـر ) !!
علقتنـي بالضحكـه اللـي تسـبـق .. الغمازتـيـن=وتركت لي شاعر !! كتب فيك القصايـد واشتهـر ..
سيّلـت دمعـك واستبـاح الدمـع ستـر الياسمـيـن=وعلمتنـي كيـف النـدى يجمّـل خـدود الزهـر !!
ليتك عقـب مـا غبـت غيّبـت اشتياقـي والحنيـن=أو ليتني ما قد دفعـت احـلام عمـري لـك مهـر ..
وياصاحبي .. لاعاد تسألنـي عـن الحـزن الدفيـن=أقسى الطعون : ( الطعنه اللي من حبيب و فالظهر ) !!

[محمد بن سعود]

.
.

ليييييت .......... " السنين " تكون ,
- مثلك
:
وفيّه .!

[محمد بن سعود]

أشوفك " طيف " وأتخيِّل وجُودك وإنت قدامي ،=ولكن الغياب أقوى .. صِدمني وقال : ما شفته ..!

[عـ100ـج]

الذائقه الراقيه .... موهبه


تسلم ذائقتك يا ابن سعود :/

[محمد بن سعود]

صاحب ٍ كل ماغيـّرت توقيعي= أبلشني وقام ينشـد .. ليـه غيـّرته .؟؟

[محمد بن سعود]

تبغاني أتعب وأنت ماتتعب شلـون.!؟=هذا الهـوى مافيـه يمّـه ارحمينـي
لاتقول ميت فيك .. واااجـد يقولـون=انا وين أبصرف كلمة ..تموت فيني.!؟
الحب ماهو لعـب ,, لاوالله ملعـون=ماهو بيديك الحـب ولا فـي يدينـي
بكّى كثير عيون .. وسهّر له عيـون=وأول عيون ٍ شافت الظلـم ..عينـي
ياتحـبْ زيّـك زي ماهـم يحبـون.!=وعينـاك لحضـه ماتفـارق عيونـي
وياتجيّني كلك حب وتحب بجنـون.!=(يايفـتـح الله لاتفـكـر تجـيـنـي)

[غصن الذهب]

متابعه هادئه


ومستمره



لركنك الشعري

[محمد بن سعود]

وش يصير؟!

لو نست عينك عيوني ,

[gravity]

متابـــعه وبشده


برايفت / الوفا البيت خطييير ويستاهل ابااا سعود