السلام عليكم
وصبحكم الله بالخير جميع
والان خلصنا من الانتخابات ونجح اللي نجح وخسر اللي خسر
وبدت المعركه بين الحكومه والمجلس
لاكن انا عندي سؤال محيرني ؟؟
ابي اعرف ليش النائب يتكلم ويتهاوش مع الوزير علني اذا تكلم واذا ترك المايك يضحك وياه ؟؟
هل هذا ضحك على الشعب ام اتفاقيه مشتركه بين النائب والوزير ؟
كنا نقول ان الحكومه حكومة تآزيم اللي طافت طبعا والحاليه
وكنا نسمع من جميع اعضائنا سوى العوازم او العجمان او المطران او الرشايده المهم القبليين إنهم يتوعدون بمحاسبة الحكومه اذا ردت على نفس التشكيله . وبعد ماردت الحكومه كلنا نشوفهم يباركون للحكومه ويضحكون وياهم ؟؟
واكبر صفعه للمجلس . توزير الدكتور فاضل صفر .. المطلوب على ذمة قضية تآبين مغنيه وملفه في آمن الدوله ؟؟
وفوق هذا النائبيين لاري وعبدالصمد .. رفعوا حصانة النائب محمد هايف ؟ يعني فوق شينك سواد عينك
يعني انا ابي اعرف لي متى وحنا نتكلم ونعاني من هالمشاكل ؟
وفوق هذا كاتبيين الحكومه شعبيه يعني مع الشعب ؟
لان الاخ اللي كلنا كنا متأملين فيه خير بوصوله النائب خالد السلطان .. هو صاحب فكرة الشرائح للشعب الكويتي .. يعني يا السلطان انت قسمت الكويت شرائح وخليت ناس وناس . على شان زيادة الخمسيين دينار للي اقل راتبهم من ألف دينار ؟؟ ليش هالتفرق .؟
وفوق هذا توافقون على صندوق المعثرين اللي مايخدم الا التجار والبنوك لان الصندوق غير دستوري ويعطي الناس اللي متعدين الخمسين بالميه من رواتبهم وانا اعلم ان الحكومه ذكيه جداّ بالموافقه على ال50 دينار . لكي ترفع سقف المواطن المسكين بحجة ان القصد اقل من خمسين بالميه من الراتب ؟
لاكن مانقول الا عسى بالامر خير
والله يحفظ الكويت من كل مكروه
اخوكم : نادر العازمي
26-06-2008, 05:02 AM
العرض العادي
