ت.ــواااصل الـ/week end
الا ليت مالي قلب واحـد ولـي اثنيـن=مثل مايصير يسار مثله يصيـر يميـن
يكون المكان اوسع واحبك هنا وهنـاك=محبتك من قلبك وانـا احبـك بقلبيـن
والا ليت كل هموم قلبي ماهي فرقـاك=والا ليتني يازين مـن ربعـك الادنيـن
مابي منك غير اسبوع من كل سبع ايام=ولاابغى سوى ستين ليله من الشهرين
جميع الليالي ودي تجـود فـي لامـاك=تعبنا من الـ/week end ما تكفـي اليوميـن
تزين الظروف احيان والا تشين احيـان=اذا انك معي ماهو بلازم تزيـن تشيـن
تقول الحلا واجد واقول ايه بس انـواع=ولكن بعد به فرق حلوين عن حلويـن
يوم ان الحلا بعضه حسب جودة المكياج=جمالك طبيعي ماا نت في حاجة التزيين
حلاك اقتصادي واوفر لوقتك المحسوب=ولاجيت تلبس كل لبسٍ عليـك يزيـن
قبل يطلعون الناس يبقـون بالساعـات=وقوفك أمـام مرايتـك بـس ثانيتيـن
اجل ماتشوف الناس دايم ليـا مريـت=هذا قطّع شفاته وذا ما ارمشت له عين
تهامز عليك متون وتميل منك ارقـاب=ياكم قلب حبّك مير تقصر عليك يديـن
هلا مرحبا ودلال شعري عليك تفـوح=من الشوق والا الوجد تغلي على نارين
تبيني وابيك وكل ليله زعـل وعتـاب=نبي نغير الموجه نبي نكسـر الروتيـن
تثنى هنا بشويش ميـل كـذا بشويـش=وابقوم اغني لك بصوتي ولاهـو زيـن
اغني من الطنخه مااغني عشان الناس=هذي ليلـة ٍ مامنهـا بالعمـر ثنتيـن
تثنى ترى شوفك يبعّد عمـاس الـراس=ترى قربك لجسـمٍ مهاويـك فيتاميـن
تعال اجلس بجنبي نبـي نقهـر العـذال=عشان ان حكوا فينا يعرفون حنا ميـن
لــ/ سطام البــندر
العرض الشجري