أغنية نساءقبيلة مطيرفي فيصل الدويش بالمقابل أغنية نساء قبيلة العجمان في الشيخ (راكان)

[ابوحمد الشامري]

مرحبا الف بالاخ العزيز الجشي اسعدني مرورك يا السنافي.

من المعلوم ان الشيخ راكان بن حثلين يتصف بتواضع حتى في وصفه لنفسه فهو لا يعطيها حقها لانها شيمة الفرسان فلا يبخص حق عدوه وهو اللي يقول:

كز القعود للشيخ من نسل وطبان = زيزوم علوى مبعدين المناحي

مع انه يذكر انتصاره على عدوه ولكن في نفس الوقت ما ابخصه حقه.

ومن المعلوم ان الكثير من الفرسان وشيوخ القبائل التي قامت الدولة العثمانية باسرهم وغاب نجمهم في السجون الا الشيخ راكان بنى للعرب مجدا يذكر في ساحات الميادين في ديار النصارى وقصته مشهوره مع الفارس النصراني.

ولكن اذكر هنا قصيدة عندما اسر الشيخ راكان في تركيا:

يا الله يا علام كاين وما كان= يا واحد(ن) كل امته يرتجونه
تفرج لمن هو بين الاتراك منهان= من غير قاصر دارهم لي مهونه
ودي بشوف ديار مروين الاسنان= أهل الشهامة والوفا والمعونه
أفعالهم ما هي بزور(ن) وبهتان= فعل(ن) شهير(ن) والعرب يذكرونه
الله يسقي داركم يا عجيان= وبل(ن) من المنشا تكاشف مزونه
أسود عريض(ن) ريض(ن) له تحنحان= كن الهنادي سلله في ركونه
من حومة النقيان لاحد قصوان= تسبل هماليله ويسود لونه
ويسقى من العرفا ليا جو سوقان= والصلب حيث ان لابتي يدهلونه
ديرة بني عم على الخيل فرسان= والضيف لا جا دارهم يكرمونه
حامينها بقديمي صنع نجران= شلاع ما يبرن الاطباب كونه
وحدب(ن) تقص الراس من حد الامتان= يقضي بها الديان باقي ديونه
بايمان قوم(ن) لا احتمى الهوش فرسان= والضد لو هو نازح(ن) يا صلونه
جلابةٍ للروح لا ثار دخان= والروح لو هو غالي يرخصونه
كم شيخ قوم(ن) طوحوا به بالايمان= خلوه في في الميدان يطرخ زبونه
ومن زا حنا له على الزين خلان= ويامن وحنا بالعهد ما نخونه
وليا نوانا بالقومات خسران= يبطي سهير(ن) ما تغمض عيونه
وصلاة ربي عد هتاف الامزان= لمحمد اللي منهجه يتبعونه

ابوحمد الشامري