صدة عزيز

[فيصل ال رشيد]

يارفيق الدرب يافخري وذاتي=يارفيع الشان يازبن الونيه
ياعريب الجد من كل الجهاتي=يارموز الطيب ياوافي الحميه
ياسراجي فالليال المظلماتي=ياحسامي محزمي في كل هيه=
قدرك اعظم من جبال(ن)راسخاتي=في ضميري طية(ن)من فوق طيه
لا تحملني حمول(ن)معظلاتي=لا تجازيني بلا ذنب وخطيه
ما يحقر ياغناتي من سواتي=صدتك حقران في حقي قويه
بس يشفع لك علوم(ن)سابقاتي=ماقدر احصي لك مواقفك الجليه
يارفيق العمر يازين الصفاتي=ياعزيز النفس ياجزل العطيه
ان بغيت الصدق والعلم الثباتي=وضح الهرجه وسبة ذا الزريه
كان لك حق(ن)علومه بيناتي=فابشر بحقك ومن نفس(ن)رضيه
وش طراة العمر وش زين الحياتي=غير رفقة صدق ونار العز حيه
الخريف اقبل وشهب بالنباتي=والغصون المؤرقه ضل اضحويه
اطلب الله بالهدايه والثباتي=واساله غفران ل جات المنيه
جاك قافي والمعاني سامياتي=والخوي لابد ينشد من خويه
والختام افضل تحيات وصلاتي=لنبي الهاشمي خير البريه

وسلامتكم

[عـشـق بـدوي]

سلام عليكم

صح لسانك

جزل جزل جزل وراس القرامه

لاهنت عز الله انها جزله من راس جزل

بس يشفع لـك علوم(ن)سابقاتـي
ماقدر احصي لك مواقفك الجليـه

بيت رااااائع يدل على الوفاااااا

صح لسانك يالقرم ولاهنت على هالجزله

[فتى ال معيض]

صح السانك يا القرم على على ذا القصيده الجميله

وش طراة العمر وش زين الحياتي
غير رفقة صدق ونار العز حيـه

ابداع يا القرم

[الـ ـشـ ـقـ ـا ويـ ـه]

صح لسانك وكلماتك الروعه



تحياتي لك

[مـــزون]

صح لسااانك ولاهنت


بانتظار الجديد

[مـحمـد]

السلام عليكم ورحمة الله وبركاته

صح لسانك طال عمرك على القصيده الجزله وبانتظار جديدك دائما

[فيصل ال رشيد]

عشق بدوي

فتى ال معيض

الشقاويه

مزون

محمد

اشكركم جميعا على مروركم الكريم
وقد اسعدتني ردودكم الله لايهينكم

[احمد بن جوفآن]

القرم ..

صح لسآنك ,,

.. ولاهنـت ..

[فيصل ال رشيد]

احمد بن جوفآن


صح بدنك
لاهنت على المرور