((( انا سعودي و أنت جاي من الصين ))) عبدالله بن عون يوادع طيره

[محمد أبو زيد]

يا طير عقبي كن خاطرك شاين = خاطرك شين و غيبتي عنك يومين
النقص فيك مبين له بواين = في لمعة الريشه و في ناظر العين
ياطير انا وياك كنا خداين = وبيني و بينك ولف ومعامل زين
يوم نتخاوى مع وجيه الضعاين = ونهمل سبوقك في مناكب خسيرين
ولاشمال الهضبتين القراين = شرقي طلال ومن سواحيق ويمين
والا عطينا سكة التابلاين = ولاقد عطيناها عليهن حراذين
نصبح على طارات شهب المكاين = بين العراقيين و الأردنيين
في خايع به كن عيني تعاين = ربد الحباري به أربع و ثنتين
وناخذ لنا أيام بذيك الدفاين = مابين برقع و الغدف و البسيتين
ونكسر على ماينحدر من ضواين = وناخذ هناك اسبوع والا اسبوعين
وننكف نشاط وسالمين الصخاين = ولوكان نتعب عدنا مستريحين
قدام يطلع للصقاره زباين = ناس تحوش القوبعه بأم روحين
ليا روحوا بمشحنات الخزاين = مافي نحاهم ذوقوه الأمرين
واليوم مابيني و بينك مداين = انا سعودي و أنت جاي من الصين
واما لقينا للحباري عواين = والا توادعنا وداع المحبين
الوقت ماتاليه معنا بزاين = والبر في حادور من حين لاحين
ادناه مليان كراتين فاين = واقصاه ضاق وضيقوبه هل الضين
وضاقت مناهج طيبين الضغاين = اللي على المقناص بالطير ضارين
واليوم كان اللي يحاكيك ماين = هذي سبوقك و انتهض بالجناحين
وهاجر مهاجر مبحرات السفاين = للصين والا اهبط على ضلع قزوين
لو كان عندي مافراقك بهاين = حنا عزاز ولانهين العزيزين
خلك تروح ولا تشوف الغباين = شاملك عفوا مثل عفو المساجين

وسلمتــــــــــــــوووا


الشاعر / عبدالله بن نايف بن عون العتيبي

[العماني]

صح لسانك يا شديد الباس وصح لسان ابن عون وتسلم يالقرم على الاختيار والرائع وعلى المواضيع المتميزه اللي عودتنا عليها

تقبل تحياتي،،،

[محمد أبو زيد]

مرحبا بك يالعماني , وصح ابدنك

والمتميز ماهوب مواضيعي يابو مبارك , المتميز والله مرورك عليها يالقرم

[حبيب]

لو كان عنـدي مافراقـك بهايـنحنا عـزاز ولانهيـن العزيزيـن
خلك تروح ولا تشـوف الغبايـنشاملك عفوا مثل عفو المساجيـن


صح اللسانك ياشديد الباس واللسان ابن عون لاهنت يا الغالي


تحياتي

[عيد بن شدقان]

شديد الباس
لاهنت
وصح السانك والسان بن عون
اختيار رائع

[سمو الامير]

شديد الباس
صح السانك ولسان ابن عون
ومبروك الاشراف على ديوان المحاوره

[محمد أبو زيد]

ارحب ياحبيب , صح ابدنك ولاهنت على المرور يالامير

ولك التحيه مثنيه

[محمد أبو زيد]

ارحب ياذياب

صح ابدنك ولاهنت على المرور

[محمد أبو زيد]

مرحبا والله ياسمو الامير

الله يبارك فيك , مرورك يشرفنا لاهنت على المرور

[هند]

لو كان عنـدي مافراقـك بهايـن --- حنا عـزاز ولانهيـن العزيزيـن

خلك تروح ولا تشـوف الغبايـن --- شاملك عفوا مثل عفو المساجيـن


الأخ القدير ( شديد الباس )

صح لسانك ولسان العتيبي

وكل الشكر على الأبيات الرائعه


ننتظر جديدك


السؤدد