جديد بن فطيس/ماهو بكفو الوقت حبك يمحيه..

[الوضحه]

دره من درر بن فطيس

ويازينها من درره..

تحميل الملف من هنا

ملاحظه:راح يكون تحميل الملف يمين الصفحه تحت انتظر لما يطلع لك مستطيل مكتوب به داونلود هير ..

ماهـو بكفـو الوقـت حبـك يمحيّـه=ياللي تخاف صـروف الايـام تمحـاه

ارتـاح ..مـادام المواصـل يقـوّيـه=انت انت..وانـا انا..وقلبـي هـو ايـاه

حتـى ولـو بتغيـب ذكـراك تكفيـه=ياواحـدٍ تكفـي عـن النـاس ذكـراه

حبك علـى رملـة خفوقـي مواطيـه=ورياح عذلني عنك مـا تمسـح خطـاه

واللي يعذل القلـب عـن درب غاليـه=الله بمـا يـبـلا الموالـيـف يـبـلاه

اخفيـه يابالفيـت والـحـال يبـديـه=ادنـاة واحـد ينظـر الحـال يـقـراه

مخفيـه فيـه ومعتنـي ٍ بـه وحاميـه=من كـل عيـن ٍ ودهـا تنـزل حمـاه

قلب ٍ يحبـك والهـوى الـذرب ماليـه=كانـك مكذبنـي ؟؟ بعيـنـك تـحـلاه

شرط ٍ تشوفـك فيـه منـت بحواليـه=ويمكن تشوف ديـار واماكـن ارعـاه

وبتشوف بـه تمثـال والوقـت هاريـه=وبتشـوف زرع ٍ ميـت وواقـفٍ مـاه

وبتشوف جـرح ٍ فيـه سكيـن راعيـه=راح ونسى السكيـن والجـرح ينخـاه

وبتشوف حصن ٍ عـج الاقـدار سافيـه=وبتشوف باقـي بيـت راعيـه خـلاه

لا تنزعـج هـذا خفـوقـي وباقـيـه=ولا تضايـق مـن تصـدع زوايــاه

قـد زلزلـه فرقـا وهـزت عراويـه=والله ستـر والحـظ عانـه وعـافـاه

وكانه صلح لك واعجبـك زيـد تبنيـه=ابـنـه وجـهـز للمقابـيـل مبـنـاه

ابغيـك بـس مـن المفـارق تداريـه=وازهل من يـداري شعـورك ويـدراه

وحلـل وحـرم فيـه يابـرك بلاويـه=وحلّه وراع رضاي ورضاك ورضـاه

جعلك بعد بعض الوجيه ... امحق وجيه=نـاس ٍ مراتعـهـا الرفـيـق بتقـفـاه

انواع واخطـر نـوع مانـي بناسيـه=نوع ٍ علـى تفريـق الاثنيـن مسعـاه

تلقـاه دوم وكــل يــوم ٍ تلاقـيـه=والى بغيتـه صـدق مـا عـاد تلقـاه

ولا انت ردك كل ما ادعيك.. (( لبيـه))=انشهـد ان منتـوا بفيعيـنـي اشـبـاه

منت بمع العالم ولا تقـول لـي.. ليـه=انت ادرى مني وش جوابـي وفحـواه

كذيـه... ومـن الله يـازيـن والـيـه=واغلا طـروش القلـب ودواه مـن داه

الحلـم ياتينـي بـزولـك واراعـيـه=وفـي كـل حلـم اقـوم قبـل اتحفـاه

اعشق سميك فـي البزاريـن وادعيـه=واقبـل خطـاه الـى اخطـا واتلـقـاه

واسمك يروعنـي الـى مـر طاريـه=واحـب ملقـوف ٍ يسولـف وطــراه

وامـر بيتـك مـن بعيـد ٍ ولا اجيـه=وانـا لونـه فـي يـدي مـا اتـعـداه

حتى (توايـر) (موتـري) تلتفـت فيـه=تبغي تلـف ويستحـي العقـل والجـاه

وصلك يخيط الصـدر والبعـد يفريـه=ويابري حالـي كـان صديـت بريـاه

ويلي علـى ادري حبنـا ويـش تاليـه=وويلي على ادري وش ورى الغيب ويلاه

عشـان اشـوف اذا محبتـك ..ترفيـه=والله لا اقفي عنّـك....... واستغفـر الله

صــــــــــــــــــــــــــح لســــــــــــــــــــــــــآنه

[صالح المري]

الوضحه لاهنتي


ودي اقتبس من ذا القصيده شي

ولكن تعب الاختيار

شكرا على ما طرحتي لنا

وبانتظار جديدك

[فلاح بن ملبز]

الوضحه

صح لسانش ولسان ابن فطيس

وشاكر لش

[فهيد بن صبيح]

الوضحه

القصيده مبتدعه

ولاهي غريبه على محمد بن فطيس

ولاهنتي على النقل

[محمد بن خزيم]

اعشق سميـك فـي البزاريـن وادعيـه
واقبـل خطـاه الـى اخطـا واتلـقـاه







ابدااااااااااااااااااااااااااع >>>>>>>>>>> ومافييك حييله يا بن فطييس




لا هنتي اختي

[خزنه بنت مايكل]

اخفيـه يابالفـيـت والـحـال يبـديـه
ادنـاة واحـد ينظـر الحـال يـقـراه

مخفيـه فيـه ومعتنـي ٍ بـه وحاميـه
من كـل عيـن ٍ ودهـا تنـزل حمـاه

قلب ٍ يحبـك والهـوى الـذرب ماليـه
كانـك مكذبنـي ؟؟ بعينـك تـحـلاه



الوضحة


لك ذائقة شعرية فذة ..

صح لسآنش و لسآن شآعرها .. توني بنزلها بس لقيتش سآبقتي .. بس آنا و انتي وآحد .. كني اللي منزلتها لول


لآ هنتي يالغلا ..

[بدر الاماكن]

صح لسانك وصح لسان ابن فطيس ..

ولاهنتي الوضحه

[بعيد الأمل]

.

.


كعادته هذا الشاعر الرائع

أبن فطيس المري .
يغيب ويأتي بالجزل الرائع الذي ..
يصور الحال بجميع أحواله


صبآآحكـ رائع يالوضحه


نقلتي فأبدعتي ياعزيزتي


.

.

[العجمي كوم]

مشكوره على القصيدة ..

ومعروف الشاعر محمد ديمأ وهو مبدع

[الخالدية]

اشكرك على مجهودك الرائع
يعطيك العافيه
لاعدمناك