اقتباس:
المشاركة الأصلية كتبت بواسطة ناصر بن فالح
ونتي ونه خلوج تجر من الحنين = فقرو لحوارها وأخطمو من دونهاا
ونتي ونه يتيم تلاوعه السنين = حظه اقشر والقرابه تصد عيونا
ونتي ونه ضرير ولاله من عوين = شايب سود الليالي رمته بكونها
ونتي ونه عليل وجرحه مايبين = طاول فراشه وعينه قضى مخزونها
ونتي ونه كسير يجر من الونين = اعثرت به سابقه والطلب يرمونها
كني اللي فاقد فزعه من طيبين =عند دوذه منثني والعدا يبغونها
وكني اللي جالي من زبين الى زبين = لاعته سود الليالي وذاق حزونها
ونتي من حر ما انس كما ونه سجين = غرته دنياه ثم عضته بسنونها
كني اللي غافل واغدروه المعتدين = مامعه مايكتفي به وذاق طعونها
والسبايب بنت قرم وهيف للسمين = بنت من ربعه جموع العدا يفرونها
شبه وضحا ناتع تلت ربوع قطين = قايده ذيدانهم والعرب يتلونها
عقبها ياويش عندي من الشي الثمين = ويش عليا ياعرب في نظر مجنونها
والله ان اموت ما اسج من ذاك الجبين = والله ان اموت ماشفت مثل عيونها
عودها من وين ماهب نسناس يلين = والثمان البيض كانها البرد في لونها
اه ياحر الموادع على القلب الحزين = شين يوم فيه قطع الوصل من دونها
حق كبدي بالتنهات والجرح المكين = وفري جوفي يا ازرق الدمع فووق اوجونها
والختام ارجي الولي جعلها منه تزين = والعروق الميته يرتون اغصونها
فيصل بن نفل الشولاني |
الله الله الله الله
ياسلااام على ذا الابياات الجـزلـــه
وصح الله لساااان شاعرها ( فيصل بن نفل الشولانـــــي)
واحترت وش اقتبس من ذا الابيات .. خايف اقتبس لي كم بيت واظلم الباقي
لان كلها رووعـه ومن أبدع مايكون
الله لايهينك على طرحها
واستمتعت بقراءتها
أخوك
18-06-2009, 12:32 PM
العرض الشجري