مساجله ماسنجريه بين " الوضحه & غصن الذهب .. "متجدد

[الوضحه]

بسم الله الرحمن الرحيم

السلام عليكم ورحمة الله وبركاته


كيف حال الجميع.. اربكم طيبين..

بقول لكم قصة بداية هالمساجله قبل كل شي,,

في يوم من الايام,, وفي تالي الليل ,,

لمن كان جهازي مخرف لانه مبطي عن هجٌاده الا وهو " الفورمات "

فكان بس يعلق..

الوكاد مالكم بالطويله..

وتدخل علي اختي " غصن الذهب "..

رحبت فيها.. ماردت علي..

طنقرت طبعا.. قلت وشقومها تسفهني..

والله لاسفهها

شوي والا البنت تدعيني.. وانا عادني مطنقره..

وتدعيني.. واناعااادني سافهه..

شوي كسرت خاطري .. قلت برد عليها..

الا يعلق الماخوذ عندي.. والمره تدعي تدعي محدن حولها..

الوكاد.. يوم ربي عانه وحن علي الا البنت عطتني ابياتها المحقه..


وابتدينا..

غصن الذهب:

جعل وضحه تاخذ خبيل وحافي=تختلط خباشته ويّا خباله
ان رضى ياتيه بالعقل اختلافي=وان زعل اووما عليها في عقاله
صوتت لي والعرب عندي اصطفافي=وجيتها اجري وفي ايدي بياله

الوضحه:

جعل فكرش بالقصايد للجفافي=دام ذا حكيش علي كله هباله
وجعل ترجع لش دعاتش بالخلافي=والماسينجر جاه من ربي ظلاله

غصن الذهب:

اجل جعلش تاخذين ابن الخرافي=ويكتب الدنياا لش وينسى عياله
وتقحص سكونش مع اول خلافي=وتذبحينه ثم تولين بحلاله
وامتلك فوتو لجرمش واعترافي=وترضخين الا طلبتش نص ماله

الوضحه:

انتي وشقومش علي عقلش خفافي=جبتي الدنيا على راسي عجاله
اربضي ثم ابطحي يدش وكافي=لقلب الدعوه خباثه مع نذاله
اركدي يابنت وخليها عوافي=دام نفسي طيبه حد الثماله

والبقيه تأتي..

[فلاح بن ملبز]

ههههههههههههههههههههههههه وش ذا الدعاوي

صحت ألسنتكم وخففوا من الماسنجر مدام ذا الدعاوي فيه

وفي انتظار البقيه لكي تأتي

["..عـَـذْبـًة الأطْـبـَآآآآع.."]

هههههههههههه هذي جلسـة المـآسنجر اللي مــآتنمــل والله ,,

الله يكافيكم شر دعــآويكم ,,


صحت ألسنتكــم جميع ..

استمتعــت بهالأبيــآت ,, وبإنتظــآر البقيــه ..

[فهد بن مطلق]

الله الله / خوش طاروق !

لاهنتوا جميع / وصح الله لسانكم

[غصن الذهب]

السلام عليكم

الوضحه يعني حطيتينا ابل

وانتي العاقل وانا المعقوله


لاوتفحصين طقم الاسنان الجديد في اذني هااا



طيب



تعالي اجل






7

يعني صرنا ابلِ ترب الفيافي= حطنا من فيه طنخه راس ماله

وانتي ياوجه الله علومش لطافي=والا انا عقْلتْ من زود الجهاله

وتقرطين اذني جعل مابه عوافي=تفحصين الطقم فيها كيف حاله

عزتي لي احسبن عقلش يشافي=واثر بانت لش على الخفه وكاله

[راعية الونيت]

ههههههههههههههه

صــح الســانكم ...

[فــلاح]

امحق مساجله كلها دعاوي عجـايز


لاهنتووو

[ريم الصيد]

وعليكم السلام ورحمة الله وبركاته

.

عقب الدعاوي ذي ما ظنت بتسفهون بعض أبد ..



{ الوضحه / غصن الذهب }

صح ألسنتكم .. وربي يسعدكم على ذي المحاوره الظريفه

وبانتظار التتمه ..

.

بحفظ الرحمن

[موادعك خيره..!]

لاحووووووول ... خوش مساجله

بإنتظاركــم

[@بنت العز ما تنهز@]

ههههههههههههههههههه

خوش مساجلة

وصح الله ألسنتكم
وننتظر جديدكم