## ايه بدوية ##

[اطياف الماضي]

قصيدة للشاعرة نوف
اتمنى ان تنال اعجابكم

لاخير بانسان رمى ثوب ماضيه=وبالتاليه يسعى لطمـس الهويّّـه
للشمس نور يحسب إنّه يغطيّـه=ما يدري كفوفـه بنـوره خفّيّـه
وأنا فدا الماضي ليا حل طاريـه=أنسى الحياة المترفـه والشقّيّـه
طبع البداوه عشقي وميّتـه فيـه=وكلّي فخر لاقالوا إنّـي بدويّـه
إيه ابدويّه آخذ الخيـر وأعطيـه=وأبادل المعطي جزيـل العطيّـه
إيه ابدويّه وأزرع الطيب وأجنيه=الطيب زرعي ما زرعت الرديّه
إيه ابدويّه لـو تزيـد المشاريـه=ببقى على عهـد البـداوه وفيّّـه
ماألاحق الموضه بسوق المسافيه=اللي لهن كل يوم روحـه وجيّـه
الله سترني ، ثوبهم ذاك ماابيـه=لاصار تطريزه بسلـك الخطيّـه
ماني من اللي أثبت العكس وأنفيه=وبيني وبين العيب حوض المنيّه
ومانيب دلّوعه ولا قلت : (أمبيه)=ولالي على كثر الدلـع مقدريّـه
رزينه وثقلي على الخفّ أبديّـه=دام الثقـل زينـه لعقـل البنيّـه
كرامتي نجم سطـع فـي لياليـه=ولاذلّني مخلوق ما دمـت حيّـه
لنفسي عليّه دين لاشـك أبوفيـه =ولا دفعت لمقتـل الخـوف ديّـه
وأقول للي جهل الأيـام معميـه=مولوده ، وعشت ، وبموت ابدويّه

تحيتي

[محمد أبو زيد]

ومانيب دلّوعه ولا قلت : (أمبيه)
............................. ولالي على كثـر الدلـع مقدريّـه

ياسلام سلّم

أطياف الماضي صح السان نوف وصح السانش

ولاهنتي على الاختيار

[sohab]

اكثر من رائعه

ونعم والله بالى تعتز بنفسها واهلها وماضيها ... الحقيقه القصيده جميله تسلمين

اختى أطياف الماضى

لاوبعد الاسم اطياف الماضى وشلون ماتعتز بالماضى ..... لكى اطيب تحيه

بس ليت تكملين اسم الشاعره القديره نوف

[عـزام]

ومانيب دلّوعه ولا قلت : (أمبيه)=ولالي على كثر الدلـع مقدريّـه

يا كثرهم اللى يقولون الحين أمبيه

لا هنتى يالسنافيه على الاختيار الجميل

صح السانك والسان الشاعره نووووووووف

[ماجد المهنا]

السلام عليكم ورحمة الله وبركاته ..


ونعمممممممممم ..


اطياف الماضي صح لسان الشاعره / نوف ..

وتسلم يمناك ..


اختيار يظهر لنا شخصيه ذواقه ..



لا هنتي عل كل حال ..







ماجد المهنا ..

[اطياف الماضي]

شديد الباس

صح بدنك ولاهنت على حضورك اللي اسعدني

تحيتي

[السنـــــافية]

اطياف

تسلمين على الاختيار الحلو هذه

وقصيده رووعه بصراحه

يعطيج العافيه

[admin]

الله الله يا اطياف

عن جد اختيار موفق

صح لسان الشاعره نوف

ومشكوره علي كتابتها لنا أخت اطياف


تحياتي

[بخـــــــــــوت]

اطياف تسلمين على القصيده الرااائعه

[اطياف الماضي]

sohab

ونعم بحالك اخوي

اشكرك اخوي على مرورك الجميل وعلى كلامك اللي اسعدني

والشاعرة اسمها النوف وليس نوف

وال التعريف سقطت سهوا

واعذرني اخوي ما اعرف لها الا هالاسم

لك تحيتي