شسالفة الانتخابات ..؟؟؟

[D0LAR]

اولن يامبارك انت تقول المجلس كلام فاضي ومدري ايش اذا كان هو كذا مثل ماتقول يكفينا فخر ان حنا عندنا ديمقراطيه واللي نبيه نقوله ونقدر نواجه اي شخص في المحاكم وبلاك من اللي لا يقدر يرفع راسه قص بحد السيف ولا سجن او سحب جوازه والمثل قال اذا بيتك من زجاج لا ترمي الناس بحجاره

وانا اتوقع لو يحصلك تصير كويتي على طول وافقت ويمكن بعد كم سنه ترشح نفسك لمجلس الامه عاد لخدمه الشعب والوطن او لاهداف شخصيه مادري والله بس اكيد انت تعرف الاجابه ومستحيل يكون للوطن لان توك جايه مايمديك دليت نص مناطقه

لك ودي واحترامي

[متفهم للغير]

اللهم لك الحمد
- لاسحبت بيوت أحد ولله الحمد
- لا قبيله منفيه من دخول البلد ولله الحمد
- لا فيه زوار الفجر ولله الحمد
- لا فيه سرق من غير لا يدري فيه الشعب والمجلس ولله الحمد

[صالح المري]

السلام عليكم ورحمة الله وبركاته
اولا مشكور يا مبارك عالموضوع
والصحيح ان المجلس ما سوا شي فيه خير واحب انوه على اخوي نواف ان مستشفى العدان ما تطور وين التطور اللي تكلمت عنه وكل يوم نسمع خبر يقطع القلوب عن عدم اهتمام الدكاتره
والتعليم ما تطور وكل يوم نسمع عن اغتصبات للاطفال
وناصر المري حاله حال اي عضو يريد ان يخدم وطنه وشعبه

[العجمي كوم]

المشاركة الأصلية كتبت بواسطة صالح المري

السلام عليكم ورحمة الله وبركاته
اولا مشكور يا مبارك عالموضوع
والصحيح ان المجلس ما سوا شي فيه خير واحب انوه على اخوي نواف ان مستشفى العدان ما تطور وين التطور اللي تكلمت عنه وكل يوم نسمع خبر يقطع القلوب عن عدم اهتمام الدكاتره
والتعليم ما تطور وكل يوم نسمع عن اغتصبات للاطفال
وناصر المري حاله حال اي عضو يريد ان يخدم وطنه وشعبه

طال عمرك المجلس كلم يوم وهو يتكلم ويصرح في الجرايد ولكن أنت تعرف الحكومه ....

وناصر له كل الاحترام والتقدير ابن عم عزيز وغالي نتمنى له التوفيق في السنوات القادمه .

[**عافكـ الخاطر**]

كل انسانه طموحات والكويت بلد ديمغراطيه وخل تروح فلوسهم اهم شيء انهم يحبون الشغله هذي ولاهنت على الموضوع وبيض الله وجهك

[المبهم]

قالوا وقلنا

[ليت الزعل ممنوع..!]

كلامك 100%
ولاهنت

[جودي-أبوت]

بسم الله الرحمن الرحيم

أول شي كل عام وانت بخير وعيدك مبارك اخ مبارك

وثاني شي اتمنى ان يتسع صدرك للمناقشة

ماراح اتناقش معاك بحكوماتنا حنا يالعرب لانه كلن يتكلم عن نفسه بتكلم معاك عن الديمقراطية في الكويت وادري ان الموضوع طويييل بس بحاول اختصر والله المستعان

عندي لك 3 محاور وعقبها شوف حنا في دميقراطية ولا أوهام واحلام على قولتك

المحور الأول :

الحرية في ابداء الرآي
في 4/5/1999 صدرت رغبة أميرية لأمير الكويت الشيخ جابر الأحمد بمنح المرأة حقوقها السياسية ترشيحا وانتخابا في البرلمان

وحطيت رغبة باللون الاحمر لانها مو أمر ولا حكم عرفي ولا قانون صدر ,,,, تتوقع في أي دوله في العالم بعد صدور رغبة من الحاكم شنو يصير؟ اكيد موافقة ومسيرات اجبارية

بالكويت الديمقراطية لا تم رفض الرغبة الأميرية في مجلس الأمة ( اللي انت قلت عنه معطينه أكبر من حجمه ) زين وبعد هذا الرفض شصار؟ هل تمت اعتقالات وسجون وتعذيب وأشياء الله أعلم بها ؟ لا

تقدمت الحكومة بطلب الثاني وتتوقع شصار؟

ادري ماراح تتوقع التوقع الصحيح لان هالشي يفوق العقل العربي

انا اقولك تم الرفض مره ثانية

نعم تم رفض الرغبة الأميرية مرتين

بتقول لي بس في الأخير تمت الموافقة وتم اعطاء المرأة حقوقها

اتفق معاك بس وين تمت الموافقة في نفس المجلس وبالتصويت ولا بأمر ولا مرسوم طارئ ولا أحكام عرفية وبعيدا عن المجلس
ومتى تمت هالموافقة ؟ في الذكرى السادسة لصدور الرغبة الأميرية

يعني ست سنين بين رفض وقبول لرغبة الأمير
وفي يوم الأثنين الموافق 16 مايو2005 ، الذي زامن الذكرى السادسة لصدور المرسوم الأميري الذي عبر عن رغبة أمير الكويت في منح المرأة حقها السياسي، وافق البرلمان على منح المرأة حق الترشيح والانتخاب

وترا هذا من الديمقراطية بعد لان مثل مانت لك حرية الإختار الطرف اللي تختلف معاه له حرية الاختيار بعد

تبي مثل ثاني ؟

تتوقع لو أي امير او معزب تكرم على اشخاص وعطاهم واهداهم احد يقدر يقول له ليش ولا مو من حقك؟

في الكويت من حقك ويحق لك تستجوب وترا وزراء ومن الاسرة الحاكمة تم اسقاطهم وفي دول أخرى محد يقدر يرفع عينه بعين الامير ويسأله ثلث الثلاثة كم ؟

تم سحب جناسي لاشخاص شافوا الاعضاء انهم مايستحقونها بينما الحكومه ترا انهم يستحقونها وقدمت لهم من باب الاعمال الجليل
تم سحب الجناسي ومسائلة من اعطاهم

[جودي-أبوت]

المحور الثاني

الديمقراطية في اختيار الحاكم
راح اتكلم عن انتقال الحكم في الكويت بعد وفاة الشيخ جابر طيب الله ثراه وتابع المشهد معاي

توفي أمير البلاد وولي العهد صحته لاتسمح له باستلام الحكم ولا ادارة شؤون البلد والوضع الاقليمي في غاية الخطورة بين دول لها اطماع في الكويت

تتوقع إن احد اجتمع بالقيادة العسكرية وقال واستولى على الحكم انا الحاكم وصكر المطارات واعلن حالة الطوارئ في البلد ؟؟؟

في بلد ما اذا طلع الحاكم في زيارة رسمية مايدري بيرجع ولا بينفونه الواحد ما يظمن حتى عياله

في الكويت تم استلام الحكم بطريقة شرعيه وانتقال ديموقراطي مع انها استمرت عشرة ايام فترة الانتقال بس بالنهاية مايصح الا الصحيح لا انقلاب ولا هم يحزنون

الله المستعان


المحور الثالث :

الناس سواسية في الكرامة الإنسانية, وهم متساوون لدي القانون في الحقوق والواجبات العامة، لاتمييز بينهم بسبب الجنس أو الأصل أواللغة أو الدين

في الكويت بتاريخ 25\5\1985 تم تفجير موكب أمير دولة الكويت – الله يرحمه ويغفر له – تتوقع انه بعد معرفة اللي قاموا بهالعمل الاجرام تم سحب اهلهم وحريمهم ورياجيلهم وعيالهم وخدمهم وجدانهم لسابع جد ؟
او حطوهم بسفن وقطوهم البحر وقالوا روحو مكان ماجيتوا؟

لا تمت محاكمة المذنبين فقط

تخيل لو هالمشهد صار بدولة ثانيه او حتى مافجروا في موكب الحاكم وقفوا مع الحاكم اللي قبله بس وانت اعرف وابخص

والله سحبوهم من جامعاتهم واشغالهم وطردوهم هم وشيبانهم وعجايزهم وعيالهم برا الديرة وحطوهم بخيام كنهم لاجيئن والله والله أن الماء الذي يشربونه هو الماء الراجع من عمليات تبريد مكائن استخراج النفط القريبة منهم ويتركون لساعات تحت ظلال الخيام حتى يبرد مع علمهم بأن هذا النوع من المياه ضار لكن لا سبيل إلى غيره في الصحراء الفقيرة منه.

وللعلم ترا عددهم بالالاف

في الكويت اللي تقول عنها انها تعيش احلام واوهام الديمقراطية تم تسريح العشرات من الاشخاص من القطاع الاهلي بسبب الازمة الاقتصادية _ وليست بسبب وقوف مع امير سابق ضد امير حالي _ تم عقد جلسات طارئة للمجلس – اللي ماله داعي من وجهة نظرك - وهو في اجازة لحل هذه المشكلة وتم حلها وصرف معاشات لهم ومستحقاتهم وبدلاتهم والحمدلله


ملاحظة سو بحث عن (علي بن صالح المري و جار الله بن صالح المري جوانتانامو ) وشوف شلون الدولة تتخلى عن ابنائها والدفاع عنهم وتركهم بلا موطن او وطن يدافع عنهم

واخيرا نقطتين

النقطة الاولى موقفك هذا يذكرني بالقرضاوي لما سئلون عن القاعدة الامريكية في الكويت قعد يسب ويلعن في الكويت شلون دخلت الامريكان النصارى واحتلوا العراق ,

واتصل عليه واحد من الكويت وسئله عن قاعدة السيلية في قطر – أكبر قاعدة امريكية في الشرق الاوسط قعد يتهرب واختبص الرجال لان اجابته فيها سحب جنسيه وهو قطري الجنسية

وأخيرا ثلاثة اسئلة اتمنى ان تجاوب عليها :

السؤال الأول : هل الشعب الكويتي يعيش في احلام واوهام الديمقراطية ؟

السؤال الثاني : هل حنا معطين المجلس اكبر من حجمه ؟

السؤال الثالث : هل الشعب الكويتي برا الموضوع ؟

اجابتك راح تحدد اذا فهمك حول ماسبق

واخيرا ترا الكويت مو المدينة الفاضلة فيها من الاخطاء ولكن الاهم هو انها دولة قانون ودستور ودميقراطية ويتم فيها محاسبة المخطئ

واعذروني على الاطالة

وعيدكم مبارك وعسا الله يحفظ ديرتنا

[[ بلآ خطيه ]]

آلكويت شعب سيآسي .. مثقف .. متطور ..

ومآتوقع آحد يتجرئ بآلـ نصب ع ـآلشعب .. !


على حسب معلومآتي .. وآللي اشوفه آن آلشعب + آلنوآب = محآسبون للحكومه ..




مع آني مآ آحمل آلجنسيه آلكويتيه ... ولكن حبيت آبدي رأيي ..



وشكـرآ ..