اهـــــديكم قصيـــــدة رائعة لابن جـــــدلان
هذا الشاعر الامي الي لايكتب ولايقرأ
لاكن عنده بصيرة ادراك المعاني وفهمها
كا احسن متعلم منا والصرااااااحه اشك ان فيه جني فيلسوف شعر
ولكم رائعته
لا إلـه إلا القديـر المعطـي الوهابـي=الخضـوع لسلطنتـه وكبريـاه ونوفـه
كل ماتحته على وجـه التـراب ترابـي=المعزه والمذلـه مـن رجـاه وخوفـه
تب علي وانت الودود الغفـار التوابـي=واحمني من كل زلـه منطـق مزهوفـه
في السوالف والقصايد سلبـي وايجابـي=وفي ردود افعالها محمـوده وماسوفـه
والطبايع فـي الاوادم للحيـاة اغرابـي=والتصادم في مفاهيـم العـرب مسلوفـه
في طرفها المرء لا يسعـد ولا يرتابـي=والمنافـع والضـرر عفويـه ومهدوفـه
يعني ماتحكم على الصادق من الكذابـي=من عدم صدق النوى والغاية المكشوفـه
احد مايدخـل الحسبـان بـاي حسابـي=واحد يوخذ كلامـه وصفـة موصوفـه
والسهوله للنفوس اقرب مـن الصعابـي=والطبيعيه مداهـا ابعـد مـن المزيوفـه
طارق ابواب العرب تفتح عليـه ابوابـي=ومن فتح باب الضيافه يكثرون ضيوفـه
وفالنفوس الي لاتشبع بـي ولاتروابـي=ليل هقواتي طويـل وشمسهـا مكسوفـه
كل ما ظنيت ظـن فـي كنفهـا غابـي=عندها اوهامي ضحاياها ضحايا الكوفـه
احسن اجيها زهابي في ظهـور ركابـي=لاتكلفني وهـي عنـي ماهـي مكلوفـه
لاجل مايسبب قلق فكري وحرق اعصابي=وانشغالي من قوييـن الدهـر وضعوفـه
والوفا والصـدق للصديـق والخطابـي=والظفر لابن الوليـد بعزوتـه وسيوفـه
والجناب اللي وداده جهر ماهـو غابـي=تصلح ظروف الدهر ولاتشيـن ظروفـه
من وجودي يسفهـل وينشغـل بغيابـي=كل منا غايتـه مـع صاحبـه معروفـه
فيه بسطـي الاحمديـه امتـداد رحابـي=والطموح الماجـدي والفطـره المالوفـه
لانبسـاط ولانسجـام وقمـة الاعجابـي=والله انـه كنـه يقدمهـا علـي بكفوفـه
تكثر اصحابي علي والاتقـل اصحابـي=المهـم مانيـب مرتـاح إليـن اشوفـه
ارق واعذب تحيه للجميع
17-01-2005, 06:54 PM
الـغــــــايــــة المكشـــوفة
العرض العادي
