(أسـكـنته بـقلـبي)

[جازع آل سفران]

رن الجهاز وثار صمتي ورديت=يامرحبا وأهلين يا أغلى الحبايب
اللي على شانه سهرت وتعنيت=واللي جعل راسي من البعد شايب
لا شفت رقمه يا خلايق تشاويت=كني سقيم(ن) وأصبح اليوم طايب
ومن شوقي لشوفه ومما تمنيت=أسابق أبراجه وحتى الهبايب
وليا تذكرته على طول حنيت=حنت غريب(ن) ما لقاله قرايب
وأن جيت أسلي خاطري ما تهنيت=ما كني إلا ّغارق(ن) في مصايب
بنيت له في القلب من حبنا بيت=وأسكنته بقلبي ولو كان غايب
يقول وشبك ياحبيبي تماديت=حطيت في صدري جيوش وحرايب
وأقول عن حبك ترى ما تناسيت=إن تبت عن حبي فلاني بتايب
تبقى حبيبي دون لجنه وتصويت=وأبقى حبيبك لو تزيد اللهايب
مديت لي فنجال حب وتقهويت=وأشبعت كيفي منك يا أغلى الحبايب

جازع مهدي آل سفران

[جابر بن عبدالله الفايز]

صح ألسانك يا جزاع

على ذا الأبيات الجزله

والله لا يهينك ,,,

[محمد بن خزيم]

حجز

[قرناس العازمي]

صح السآنك ولاهنت يالذيب كفيت ووفيت