اكتب اسم الشاعرو اللي بعدك يكتب مقطع من قصيده له.

[دايم اهذريبكـ]

يصيبك شـك مني في غلاك
يامغلي عـيشة أيام،،العمر
لا يهمك من حكي هذا ،، وذاك
ولا يصيبك يابعد عمري كدر
مـنوة العذال يسعون الهلاك
حـبنا اللي تـوه بعمر الزهر
لو يشوفك من عذلني في هواك
مثل ماأشوفك عذرني وأعتذر

مدغم ابو شيبه

[بندر التركي]

مسرفٍ بي لارحـم حيّـك وميتـك
تحسب أنّـي ناسـيٍ حبـك ودوره
لونسيت ابـوي وامـي مانسيتـك
الله اللي حطّ لك في العين صـوره
و الله أن يمحا نظرهـا مامحيتـك

راشد بن فلوه

[ﺂلـِ͡ـِبطْـِرﺂڼ ̸~]

يقول الشآعر : رآشد بن فلوه , , ,


مسيت بالخير ياشفي وياذوقي
يامكسبي فالغرام ومصدراشواقي
القلب هو منزلك ودروبك عروقي
في كل عرقن لرجلك موقع تلاقي
وان ضقت من قلبي اطلع منه الموقي
يعني مكانك مابين القلب واحداقي
يالذه العشق ياطبي وياعوقي
ياوردة ماغفل من ريها الساقي
مسيت بالخير ياشفي وياذوقي
يامكسبي فالغرام ومصدر اشواقي


الشاعر: سلطآن الميزآني

[الاصيله]

اخي بطراان

بحثت مالقيت شاعر بسم سلطان الميزاني

بس لقيت الشااعر سلمان الميزاني

شاعر شيلاات من شعرا ء المليون
--------------
وهذي ابيات من قصيده
سلمان الميزاني

وش ذنب قلب اللي يودك ويغليك
لاصار ما بين الوهم والحقيقه

مدري يوقف معك ولا يخليك
عجزت الاقي معك اسلوب وطريقه

البارحه ليلي قضى في تحريك
لين اشرقت شمس الصباح الشريقه

وانا اصنع الاعذر واعذرك واعفيك
واقول دمحت رفيق لرفيقه

وراجو اني وفقت

(ناصر الفراعنه)

[العيطموس]

يااالبــــــــــــــيه



ناقتي ياناقتي ما عليك من الهروج
صيحتين في قفا الذيب يقفاها العجاج
العدل يبقى عدل والدروب ا لعوج عوج
والعمى من لامعاه من فعل كفه سراج
يامكثرت الحتسي والفعايل عوج هوج
مايحذف الناس من كان بيته من زجاج
ياحمد طيرن جناحه ورا صدري يروج
وش اسوي كانه افلت من ضلوعي وراج
مولدي في ارض عبقر من العام محجوج
انشدوا عن مولدي ليله الحج الف الحاج
المطالب ياحمد دونها ضرب الفجوج
دونها شرب قراح مثل شرب هماج
ماثنوا عزم ابن عباس اصحاب البروج
لين زوجها من اعزب حدب سيفه زواج
والدهر معنى دخوله من الداخل خروج
والله لا زبن دخيل ولا سنع خراج
ياحمد لاتامن الجدب في خضر المروج
مزنه العذب الفرات امطرت ملح اجاج
ولولا قوله والنعم معتلوا فوق السروج
امه قبلك خبر حيها في الارض داج
لاتعجب من علوج توطتها علوج
والله ان الشر للشر احيانا علاج
في جنوب افريقيا البيض ياطون الزنوج
وفي شمال افريقيا البيض ما ترفع حجاج
ابترفع عن رجالا الهيئه تدوج
عالم رامت مرام الصقور وهي دجاج
قيصر فوق غوج كسرى فوق غوج
والجماعه بينهم راكبين فوق صاج
وش نبي في هامه همها ضحكه غنوج
او قيامه قامه ماتقوم عود عاج
احمد الله يوم لي من خيال الموج موج
اركبه لا هاج سيف البحر تحتي وماج
ماتصفحت الليالي تصفح كتالوج
لين مع كل حادثن ذي حدث عشته مزاج
العقيله ماتبي غير ابن حربان زوج
يوم حاجات الذيابه غدت عند النعاج
ساقي النشوه لها من خروج في ولوج
كم انا للصحو منها شديد الاحتياج
ياحمد مسيار ربعي علي فوج فوج
غايتي يوم الردي غايته نجمه وتاج




عريمااان السبيعي

[الاصيله]

الشاعر عريمان السبيعي


نويـت افجـر قنبلـة ذريــة=بين المحيط الأطلسي والهـادي
مادامها بيـن العـرب حزبيـة=أعلن ولائي للوطـن وجهـادي

حب الوطن والنصـرة القوميـة=سيطر على عقليتـي وفـوادي
أنـا زعيـم الثـورة الشعبيـة=والشعب شعبي والبـلاد بـلادي

مير البلا فـي البنيـة التحتيـة=تموت لاجل المنتخب والنـادي
كـن المواقـف ماتبـا جديـة=كل الجموع محدريـن الـوادي

قلت آتغانـم حدهـا فـي يديـة=واصيح في بعض العرب وانادي
نبا الحبـارى ياهـل المحميـة=قدام طيـري ينفلـت وزنـادي

الطيب لـولا السيـرة الذاتيـة=ماقلتوا مفرج قصيـر مهـادي
ميعادنـا لاطـال ظـل الفيـة=السبت الأول من هلال جمـادي

والله يبيض وجـه ابـو جنبيـة=اليا نصيته ماوقـف متحـادي
والبنز الابيض غرنـي بوديـه=ومكيفـه ومسجلـه والــرادي

من لايميز بيـن ذيـك وذية=مع احترامي قلت ميـده غـادي
أشتلت حمل النـاس كنـه ليـه=حتى قصم ظهر البعير شـدادي

ماعاد بـه رحمـة ولا ماويـة=إن طحت والا قمت كله عـادي
هذي بيـوت الشاعـر المنقية=ماقلتها حتـى لحقـت مـرادي


(ثااامر شبيب )

[الكحيلا]

,

,

لولا ظلام الليل مابين الصبح
ولولا المواقف ماتبان الرجالي

ولولا الغرق محد تعلم على السبح
ولولا الفرج خاويت سود الليالي

ولولا الخساره تنعدم قيمة الربح
ولولا وجودك انت عزي لحالي

غلاك ذابحني وانا قابل الذبح
لو منت غالي كان مارخصت غالي

لاتلتفت للهرج يامبعد الشبح
هرج القفا طبع الردي لاتبالي

الكلب حول البيت يكثر من النبح
والذيب يعوي بالرجوم الطوالي

وانا معك من غيبة الشمس للصبح
والصبح روح وخل طيفك قبالي

((ثامر شبيب))

,

,





حمدان المري,,,
,

,

[ديقول22]

استأذنك .. بسافـر ايـام .. وآجيـك

وان طالـت ايّـام السفـر .. لاتحاتـي

حتى ولـو طوّلـت .. مانـي بناسيـك

ياللي بدونك .. ويش تسـوا حياتـي؟

تامر على حاجه؟؟ .. بودّعـك واليـك

عسى عوّض الايـام .. فـي المقبلاتـي

حتى يدي .. ماودّهـا تفـارق يديـك

ساكت .. وانا اشوف البلا في سكاتـي

ماشفتني لارحت منك .. التفـت فيـك

بـلاي والله روحتـي والتفـاتـي

لكن قبـل مـاروح .. ودي اوصيـك

وانت الوحيـد اللـي يقـدّر وصاتـي

لاحدٍ سالك .. وقالك وين مغليك؟

قلـه لـوازم لاقضـاهـا بيـاتـي

وان طروا النسيـان .. مانـي بناسيـك

يـاراس مالـي فـي الحيـاه .. وغناتـي

وان طروا السلـوان .. مانـي بساليـك

طيفك معي حتـى وانـا فـي صلاتـي

قلبي .. وهـو قلبـي اذا مـرّ طاريـك

لولا ضلوعـي .. كـان عـزوا مماتـي

لو جض صدري .. كان يمديـه ياتيـك

ويبـات عنـدك .. ويهنـى بالمبـاتـي

انا .. وقلبي .. والغلا .. ساكـنٍ فيـك

وانته .. وقلبك .. والغلا .. وسط ذاتـي

غلاك .. مثل الحكـم عنـد المماليـك

اكبر طموحـي .. لا .. كـل امنياتـي

شف فـي غيابـي ايّ حاجـه تسليـك

لاني بعدك .. اسلى مـع ذكرياتـي

احـاول اذكـر .. اي شـيٍ يطريـك

واقول هو سوا .. وانـا ذي سواتـي

كني مـوادع .. كـل شـيٍ حواليـك

وكني حسبت حساب حزة وفاتـي

احب .. لاني مقدر انسـاك .. وآبيـك

ولا اقـدر اخليـك .. ياللـي تحاتـي

معنى احب .. وماقدر انسـى واخليـك

يعني بدونك ويش تسـوا حياتـي






خلف المشعان

[محمد بن ثويني]

مادمت تنشد يارفيقي .. عن الحال
........................ مالي على .. كتمانها عنك .. حيله

الصبر عن بوح الاحاسيس .. قتال
........................ والبوح في بعض المواقف ، فشيله



واطلب قصيدة او بيت لـ (((ناصر بن ثويني)))

["..عـَـذْبـًة الأطْـبـَآآآآع.."]

.
.
خابرً الضيق فالجاش والقلب الوجيع
مـآدرت عنه التباريح والكبود الشبـآع








سعود بن مهدي
.
.