يه اطلب الما من اللي خابره ضامـي ليه اقبل الظلم وارضى خافقي يضهـد
بعض الرجاجيل ماله موقف ٍ سامـي حبلِ ٍ وما يرتكز حتـى ولـو يسنـد
قولوا لمنهو تمنـى يكسـر عظامـي ماهو كفو وامنياتـه م السمـا ابعـد
الطيب نبـعِ ٍ شربتـه بـأول ايامـي شّبري طويلِ ٍ وقولي تثبتـه ذا اليـد
شيخٍ ابن شيخ وخوالي حسبة اعمامي تنبيه رووس العرب كانه بغى يجحـد
ايه افتخر لاعتزيت وقلت انـا يامـي ويحـق للـي مكانـي يفتخـر وازود
رجال يام ان تعـازوا نـاض قدامـي برقِ ٍ تلالا وصوت ٍ ف السما يرعـد
هم درعي اللي يصد الرمح وحزامـي هم فزعة اللي من ايامه غـدا منحـد
هم طب جرحي ملاذي سلـوة الامـي يكفيني منهم في ضيقي ( ياصبي اشتد)
يامنكر الحق رايـك ماهـو الزامـي لا يوخـذ بـراي مقـرود ٍولا يعتـد
(للشاعر فيصل اليامي)
السلام عليكم
اولا الف شكر لمن اعطاني وقته ورحب فيني وشكرا لكرمكم وهذا الشي ما هو غريب عليكم
ثانيا اتمنا لكم وللمنتدى التقدم فعلا منتدى متميز حاز على اعجاب الكثير رغم حداثته فالى الامام
18-02-2005, 07:32 AM
العرض الشجري