.... (( قــول : إلـــى بـخـآطـــرك )) .... (2)

[راكان الفارس]

ياعظيمه كل شئ له حدود وله نهايه
لكن انتي ماوقفتي عند حدك ياعظيمه


استلذتي بطعناتي واخذتيها هوايه
كن مالك حرة توجع وطعنات ٍ اليمه


آه ليتك ماتماديت بطعنات البدايه
لين صار لكل طعنه في الحشى معني وقيمه

[حمود بن فطيس]

صباح الخير

ياوسيع البال ضيقت الصدور=رحت ماعلمتني وين انت ساري
في غيابك مالخلق الله حضور=وفي حضورك مالهم فالبال طاري
ليه ماتختال يابدر البدور=والقصايد لك وصيفات وجواري
لك بنات الفكر ربات الخدور=يكشفن لثامهن والجرح عاري
جعل قلبن ماملاه الصدق نور=عن وجيه الريح مايلقى ذواري
التغاضي عجز لاطال القصور=ليه اداري وانت عني منت داري
الزمان قصير والدنيا تدور=كل يوم يضيق في عيني مداري
صاحبي مشتاق لك شعر وشعور=واحتياجي شي ماكان اختياري
من متى والغصن يختار الطيور=من متى والبال يختار الطواري
لاتسمي صمتي البارح غرور=انكساري خلف ذالصمت امتواري
في غياب الشمس وش ذنب الزهور= والمطر لاشح وش ذنب الصحاري
اللقا لحظات والغيبه شهور=تقصر الخطوات ويطول انتظاري
لو قريت المنكتب بين السطور= ماكتبت لغلطة العمر اعتذاري

[دايم اهذريبكـ]

السلام عليكم


صباح الخير 2






ياحبيبي..ليتني ماكنت أحبّك
لجل أحبك دبل واسوي سواتي
يعني كل شي حطّه في عقلك..وحاته
إلا بخصوص إني أحبّك..لاتحاتي

[العيطموس]

وعليكم السلام


وصبااح الخيييييييير



.
.
.
الحال طيب كآن تسأل عن الحـال
............. يومك قريب ويوم حسـك أقريّـب
العام أسولف لك وألي معك مدخال
.............. واليوم من فرقاك مانيـب طيـب
تصفق بي الدنيا من الجال للجـال
.............. وأدوس هامات الخطر ما أتهيّـب
كله عشان ارضيك وأغيض الأنذال
.............. اللي علـى سكـة ولانـا تسيّـب
أسلى وأداري بالخلا ضيقة البـال
............... لا هب من نسناس بقعـا هبيّـب

[دايم اهذريبكـ]

لاجيت يمك لقيت الحب ينطرني
وان غبت عنك عرفت الهم واسبابه
اثرك دوا خاطري من يوم تذكرني
لاصار قلبك يبوح لشوفة احبابه
تدري وش اللي على بعدي مصبرني
أنك في داخل خفوقي وقافلإ بابه

[حمود بن فطيس]

انا بشر مثلك لي احساس وشعور=واغتاظ لآ مس الكلام بكياني
حتى وانا في قمةالغيظ مقهور=بعض الحكي عيا بقوله لساني

[العيطموس]

ينام الصوت في حضن المكان .. وهاجسي يفطن
وتطفى شمعة ٍ كانت تسولف لي .. عن أوراقي

وأحس إن المساء .. وصّى النجوم بسجتي يطفن
لأجل أبقى أنا .. و..[الذاكره] .. و..[الجرح] .. و..[أعماقي]

[حمود بن فطيس]

رح نام يالغالي وتصبح على خير=لايابعد دمع العيون وسهرها
وشلون تسهر ياصباح التباشير=والشمس وجهك والعرب تنتظرها

[دايم اهذريبكـ]

انا بلاي أني مع الناس مبسوط
لو قلت وش فالقلب ماصدقوني

[العيطموس]

ابسكت دام صوتي مايردّك لو سمعت الصوت
وابرحل بعد ما الملم بقايا آخر آلامي

تعبت اجمع حضوري في غيابك واحتفي بالتوت
تعبت أرسم ملامح غربتي وآجدد أحلامي .!!