السلام عليكم ورحمه الله وبركاته
واضع هذه المتواضعه بين ايديكم
لبى الدلع والغنج يا ناعـم العـود=ولبى سواليفك ومحلـى حكايـاك
اموت في حبك وحبك بلى حـدود=قلبـي وروحـي كلبيهـا فدايـاك
مطفوق ومشاكس بحبـك ومقـرود=وياشيب عيني كل ماحـل طريـاك
من سبتـك ياسيـد الغيـد ملهـود=ينزاح همي يـوم اناظـر محيـاك
وهقتني بالحـب ياباشـت الخـود=وانا احسبنها نظرت(ن) واتناسـاك
سيف الهوا ياخدر الأعيان مجـرود=احسبه يفري ضلوعـي وينصـاك
موجود بين الناس وماني بموجـود=داله مـع طيفـك وافكـر بلقيـاك
يسريبي الهاجـس لياهبـت النـود=مشاعري يازيـن ماهـي بتخفـاك
شربت كاس الحب واخذت قرهود=شهد(ن) مصفا نابع(ن) من شفاياك
ولي ذبحني نظرت عيونك السـود=معيـده فينـي عسـى الله ياقـاك
ماغيرك الي يملك القلـب ويسـود=عز الله ان مافيـه مثلـك وحليـاك
أرتاح في قلبي وبقطف لـك ورود=وزهل ترا قلبي من الناس يـدراك
حاميك في قلبي من النقـص وزود=واطلق شنب يبطي ولا يقرب حماك
من دونك اوقف على سـاق واذود=واكرب احزامي واجتهد واتحـداك
محبتك من عصر اصحاب الخدود=ماهي من البارح ولا دهر يمحـاك
شيتلك في خافقـي قصـر وبنـود=تعال شف قصرك وتابـع رعايـاك
ان غبت عني جوي بروق ورعود=وان جيتني نو(ن)تناشى وخـاواك
الله يصبرنـي وخلـق الله شهـود=انـي احبـك واعشقـك واتمنـاك
العرض الشجري