• وإن سلمنا من خيالك .. ماسلمنا من سميّك •

[محمد بن سعود]

الله عليك,, ان صرت غايب ورديت=تعطيني أحلى درس لا صرت مشتاق
وتجعلني أشعر بالفرح يوم حنيت=لكن نهاية هالفرح ( صدمة افراق )
غبت ,, ورجعت ,, وقلت : لحظه .. وصديت !=( يلعن أبو درب المحبه والاشواق )

[محمد بن سعود]

شديت حيلي ... لجل اشوفك ولا احتلت=ياللي تقول الحب في داخلي ( مات )
عشمتني بالوصل .. واليوم طولت=وخليتني أرفض جميع العلاقات
على كثر ( صدك ) و ( هجرك ) تحملت=واقول يمكن بعد ( جورك ) مسرات
صحيح انا ( عاشق عيونك ) ولا زلت=(( لكن وصالك سابع المستحيلات ))

[محمد بن سعود]

يا خالد لو شفت دمعي .. لا تضيق=اكبر اخوانك ما يبكي من هـزل !
حزني اطول من طريق بلا رفيـق=ودمع عيني مثل وقفاتي .. جزل !
قبل عشر اعوام في عيوني بريق=للحزن ، واليوم باقي لـم يـزل !
والفرح لو جابت اقدامه .. طريق=ما رحل ، لأنه اساساً مـا نـزل !
من كثر ما حزني بقلبي .. عتيـق=صرت أحس إنّه معي منذ الأزل !!

[محمد بن سعود]

يبي لنا في ... "شارع الحب" قــزّه =مبطي وأنا "بالرابعه" ... ما تعدّيت

يمكن أشوف اللي ... فوادي يعــــزّه = اللي يـ ناصر له ... فقلبي مـيَةْ بيت

[محمد بن سعود]

كنت احسب اني قد نسيتك .. ولكن !=اثـر المشاعـر باقيـه زي ماهـي
مع صوت ابو نوره ولحن الاماكـن=حسيت بأني فاقدا ً من سنـه شـي
وبعد العيون مـن الاماكـن تباكـن=داخل خيالي شفت لـك واقـع ٍحـي
وعرفت بانك داخـل القلـب ساكـن=وتنقضت جروح روحـي بعـد كـي

[محمد بن سعود]

محتاج لي شخص .. يعرف قيمة اوجاعي =لا .. ضاقت الارض في عيني [ يوسعها ]

[محمد بن سعود]

عطاني ( شريطٍ لبو نوره ) وهو شاريـه=يقول اسمعه ., واذكرني ابكـلّ تسريحـه
وانا .؟ ماسمعته بسّ في درجي امخلّيـه=على شان باقي فيه من ريحته ., ريحه .!

[محمد بن سعود]

أنا أدري إنك [ متابع ] دايـم لـ.. ركنـي=سوى فـ.. البيت ولا عند ( طلابـك ) ..!
ماني بـ.. قايل ( حبيبـي ليـه تتركنـي )=بقول ( حنيت ) ولا إن ( الهوى جابك ) ..!

[محمد بن سعود]

يا بلاك بيري وجهك ابيض ومشكور=فيك التواصل بين الاحبـاب ميـزه
من الجماعه ناخذ سنين وشهـور=ومعـك نواصلهـم بفتـره وجيـزه
احباب واصحاب ورفاقه وجمهـور=ولا خسرنا في المواصيل بيـزه !!

[محمد بن سعود]

قد قال " ابوي " الله يطول في عمره ! = لا " تكثر " الشكوي علي الناس .. تجفاك !
صديقك اللي " تربط " امرك في امره = يمكن لو " تكثر " عليه يتحاشاك !
من " يومها " لو ابلع الهم جمره = ماقلت يا " غيم " السعادة ابي ماك !!